[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

گبــــة زينـــب لو فـَجـْروها (عكيلي )
ــــــــــــــــــــــــــــــــــــــــــــــــــ ـــــــــــــــــــ
شيعة حيدر ما ينسوهـــا === گبـــة زينب لو فـَجـْروها
ــــــــــــــــــــــــــــــــــــــــــــــــــ ـــ
هيهات الشيعي ينساها == ويّـــاه إتعيش إبمعناها
زينب معروفــــــه إو لولاها == ما ظلـّتْ ثوره إيـْطـفـّوها
ـــــ
گبــه الزينب تضوي إبگلبـــــي == شيعــي آني إمــْوَفـّق من ربّي
يادمعاتي الزينب صُبّـي == يردون الگبه إيـْهـِدْموها
ـــــــ
يردون الأشـــرار الغـَدْرَه == يردون إيـْهِدْمون الحضره
حضرة زينب بنت الزهره == بنــــــــت المختار إيْعـِرْفوها
ــــــ
بنت الكـــــــــرّار إبهيبتها == صُبـْرَتْ عالزمره الظلمتها
وأفعال الظالم فـُضـْحَـتـْها == فـُضحتْ أحقاد الأسروها
ــــــــــ
فـُضـْحَتْ شر إيزيد إو ظلمه == ما حَقـّق غاياتـــــه إو حلمه
خاسر أصبح وإنهز حُكمه == والفازتْ زينــــــب يــِدْروها
ـــــ
والفازتْ زينب ما ذلـّتْ == لگلوب الأحــــرار إحْـتـَلـّتْ
ويّانـَه إتعيش إبعز ظــَلــّتْ == وإيمـــــــوت الگــوم العادوها
ـــــ
وإيموت الشر يوگع يـَمْها == يــِتـْهَدّم حــــــــظ اليـــِهْدِمْها
زينب هاي الورثت أمْها == يلعنهـــــــم ربنـــــه الآذوها
ــــ
يلعن ربنه اليــُنـْكــُر زينب == نيـــران الشر صارت تلهب
وينه الطابر هامة مرحب == خل يحضر زينب حاطوها
ــــــ
خل يحضر عباس الكافل == زينب إخته إعليه إتسايل
سيل الشر يم زينب نازل == يردون الحضـــــره إيــْزيلوها
ــــــــــــــــــــــــــــــــــــــــــــــــــ ــــــــــــــــــــــــــــــــــــ
مع تحيات شاعر اهل البيت / دابر النجفي
إسمعوا القصيده على هذا الرابط
http://www.wlidk.net/dldhjd16484.mp3.html