[فاطمه الخزاعي]

بارض الكاظميه شعر ام هدى الخزاعي

--------------------------------------------------------------------

الليله اتصوب الدين برزيـــه === بارض الكاظميه

على جسرالرصافه ابن الزجيه === بارض الكاظميه

الشيعه اليوم تتناه

ويــن اهــــله تلكاه === بارض الكاظميه

..

صوت الناعي ينعى بهالمصيبه

يصيح بدمعته وســـجب نحيبه

مات ابن النبي وجثتـــه غريبه

عجيبــــه ياخلق والله عجيبه

غريب يموت ويلاه

ويـــن اهـــــله تلكاه

تشيع جثته بونه شجيه === بارض الكاظميه

على جسرالرصافه ابن الزجيه ==بارض الكاظميه

..

يويلي اشلون شــــالته الحماميل

قـــران الامامه الصـــوته تهليل

من سابع سمه ظل يبجي جبريل

وين اهله يصيح ودمعته تســيل

صاح بصوت ينعاه

ويـــن اهـــــله تلكاه

هذا ابن النبي الهادي ونبيه === بارض الكاظميه

على جسرالرصافه ابن الزجيه === بارض الكاظميه

..

مات اشلون حاله موسى ياناس

غريب وغربته مابين الأرجاس

بدال اهله الامام اتحوفه حراس

اويلي شلون حاله بكطع الأنفاس

ياهــــوالي تولاه

ويـــن اهـــــله تلكاه

يعدل ركبته بوكت المنيه === بارض الكاظميه

على جسرالرصافه ابن الزجيه ===بارض الكاظميه

..

يـــون الوحّدة المظلوم يتــــوجع

وحيطان السجن لحواله تتصدع

بجه الكيد المصابه وعينه دم تدمع

وين اهله يريت بهالوضع تسمع

من طيبه تعـــناه

ويـــن اهـــــله تلكاه

تهل مدمعها وتشيعه بعزيه === بارض الكاظميه

على جسرالرصافه ابن الزجيه ===بارض الكاظميه

..

عالجسرانفجع كل شيعي ومهظوم

من نادى المنادي والخبرميشوم

امام الرافضه عالسجرهاليوم

مكيد بالسلاسل والجبد مسموم

بصعب حال شفناه

ويـــن اهـــــله تلكاه

ابن المرتضى وسيد البريه=== بارض الكاظميه

على جسرالرصافه ابن الزجيه === بارض الكاظميه

..

على جسرالمصيبه الشيعه حضرته

بروايه السود كل بغداد شيعته

بس حسين عاري دمومه غسلته

ثلاثه اعله الترب عدوانه عافته

براسه تهوس اعداه

ويـــن اهـــــله تلكاه

ماصاروسدى البالغاضريه === بارض الكاظميه

على جسرالرصافه ابن الزجيه ===بارض الكاظميه

===============================

وننسالكم الدعاء 2012

[عبدالله خلف العتابي]

السلام عليكم
الاخت المبدعه فاطمه
احسنت وابدعت وهنيئا لك هذا الولاء
المحمدي العلوي الكاظمي وعظم الله لكم
الاجر بمصاب امامنا وشفيعنا موسى بن جعفر
موفق بحق كاظم الغيظ(ع) تحياتي لك اين تكون
تلميذك المبتدا
عبدالله العتابي

[فاطمه الخزاعي]

اقتباس : المشاركة الأصلية كتبت بواسطة عبدالله خلف العتابي [ مشاهدة المشاركة ]

السلام عليكم الاخت المبدعه فاطمه احسنت وابدعت وهنيئا لك هذا الولاء المحمدي العلوي الكاظمي وعظم الله لكم الاجر بمصاب امامنا وشفيعنا موسى بن جعفر موفق بحق كاظم الغيظ(ع) تحياتي لك اين تكون تلميذك المبتدا عبدالله العتابي

السلام عليكم
واعظم الله لكم الاجر والثواب بشهادة المظلوم ابن المظلوم المعذب في قعر السجون
الامام الغريب الصابر المحتسب موسى ابن جعفر عليه سلام الله
شكر لمرورك الكريم وكلمات التشجيعيه وفقنا الله واياكم لخدمة العترة الطاهره
لك خالص احترامي وتقديري