[البدري14]

سد باب الحجي وانفخ ويــار الجيـــر
وشب نار القهاوي الســـــيروا ربعي
وبالك لا تلوحك دعوة المظلــــــــوم
مفتوحه السمه لدعواته من يدعي
اذن لا يفوتك فرض للمعبـــــــــــــود
واترك للغشيم البفرض يحـــــــــدي
رتبها المحاجي لليريـــــــد حـــكوك
نصيحه من الزغر سامعها من جدي
غم راي الوكت هز راية الغمـــــــان
ونساني شعمل شعلان بالمــردي
بمكوار الشهامه طوع العاصــــــين
وركعهم شلع من اصفر وهنــــــدي
الزلم هيه الزلم والـــــزود ذاك الزود
يهــد لحدودنا كبـــل الزلــم بـــردي
بحزب الله تحزم واخذ منه إســــتار
واثن ركبه بحربهم والعزم عنـــــدي
تفزعك بت علي حس ناصبي بالدار
مدري الثار الي لو ثار اله عنــــــدي
نشكل محكمة وخل تدرس التاريخ
وشهود ودفاع وحاكم المــــــــهدي
نطالب بالقصاص لخنصر المظلــوم
وجرح عباس اخضر بالنزف يـــــدي
وجرح عباس اخضر بالنزف يــــــدي
-------
ابو تركي البدري
3-6-2013

[عبدالله خلف العتابي]

السلام عليكم
الاخ والشاعر المبدع
البدري 14ابو تركي
احسنت وابدعت وهنيئا لك هذا الولاء
المحمدي العلوي الكاظمي وعظم الله لكم
الاجر بمصاب امامنا وشفيعنا موسى بن جعفر
موفق بحق كاظم الغيظ(ع) تحياتي لك اين تكون
تلميذك المبتدا
عبدالله العتابي