[خالد محمد مهدي]

لسان حال العقيله عليها السلام ((اليوم التاسع))

************

هل الليله آخر ليليه تجمعنه كربله باجر بيك تفجعنه

هل الليله يامظلوم

وياك آخر يوم

****************

وّياك آخر ليليه أظـل // يحرموني باجر شوفتك

مطلوب من دمّك وفه // تنهض بهايه ثورتـــــك

دمك يسيـــل عالترب // ودم ربعك ودم عيلتــك

باجر علينه يهل فجـــر

الدرب الشهاده والنصر

وعروش أميّه تندحــــر // للعالي تعله رايتك

من صعب لصعب تبقه هالساعات

تتشابك الاحـــــــــــــزان بالآهات

تلتم علينه هموم**ويّاك آخر يوم

****************

يبن أمي لوعنّي رحت // ياخوي أظلّن بالامَــــر

بكل خيمه أنظر الحزن // وعيون خاواهــا السهر

وهموم من كل هم جبل // وكلوب منتظره الخطر

تصدون جم سهم ورمح

ياهو ألـــي أول ينجرح

ياهو اليموت وينذبــــح // مايبقه ساتر للنظـــــر

بهل اليوم الله يعينها عيالك

من كربله والراح يجرالك

لاعين شافت نوم **وياك آخر يوم

*************

هــل يوم مامثله يمر // للعين مايغمض جفــن

رمله تكلّـــــه حنّتك // جسّام بالدم تنعجـــــن

وتعاين رباب المهد // ورده تموت بلاغصن

هاي المصيبه مصيبتي

خيمت حزنهن خيمتــي

يدرن شبيّه وشدتــــــي// والكَلب بيمن ممتحن

ليلة وداعك تصعب علينه

مانشفت الدمعات والينـــه

باجر تجينه الكوم**وياك آخر يوم

**************

عباس حارس بللخيــــم // نستظل كلنه برايته

للأمر حاضــر والطلب // ماكعد لحظه بخيمته

أيمر على ركب الضعن // كلمن يلبّـــي حاجته

لو راح شيال العلم

هم يرد فرحه للخيم

ويجيب حقنه من العدم // لو تهوّ بالطف جثّته

لو غبتوا عنَّه شلون راح نصير

ماكَلتوا زينب من بعدنه تحيـــر

لاأعتب ولالوم **وياك آخر يوم

**************

بعيني العمه ولاأنظره // مصرع الاكبر عالثره

ولاشوف طفلك ينذبح // والسهم خوي بمنحره

يحسين عندي هالخبر // الزهره يومك تحضره

النــــــارتلهب تستعتر

والحـــــرم تبقه بلاستر

من ينسج خيوطه الفجر// أستعد وبقه أمصبَّره

ياليل طوِّل بينه ســــاعاتك

يافرح أطفي اليوم شمعاتك

أمقدَّر ومقسوم **وياك آخر يوم

*********


بسم الله الرحمن الرحيم
لايعلن الحبر الممات
لايعلن الصمت القلم
مادامت هناك روح وضمير حي
ولا تموت يد تُرفع الى الله توسلا
وتَُرد خائبه
الخادم أن شاء الله
(( التوقيع))
أحنه من فطنّه أعرفنه لحسين
وغّذانه الرحم من فطرة الروح
بشراييني نمت لحروف نبضات
تنبض بالورد وعطورهه تفوح
مايمنعني عنَّه وكلبـــــــي ويَّاه
من يوم الطفوف بصفَّه مذبوح

[رآحيل]

السلام عليكم ورحمة الله وبركاته
بارك الله بكم لهذا العطاء"
جزاكم الله خير الجزاء"
تشكراتي

[خالد محمد مهدي]

شاكرا هذا المرور الكريم
وفيض الود الحسيني
نسألله الله القبول والرضا بحق العتره الطاهره
((يافشلة الفشله المنقبل شعره))
شكرا \\ ممنون