مشرف المنتدى الثقافي
رقم العضوية : 68149
الإنتساب : Sep 2011
المشاركات : 6,626
بمعدل : 1.38 يوميا
المنتدى :
المنتدى الثقافي
سُنّيِ في سِجِّل الحُسين ~
بتاريخ : 25-11-2013 الساعة : 02:50 PM
((( بدفترك يحسين سَجِّلْني ))) ======= الى روح الشهيد الحاج ثابت (أخٌ طيّب من اخواننا السنة) ===============
بقلم: جعفر ملا عبد المندلاوي 22-11-2013 / 18 محرم 1435
من الصغر يحسين حبك بالفؤاد == لأن حُبك فرض وي أهل العَبَا بدمي يجري وبالنبض ما ينفصِل==وأدري درب حسين مُكْلِف مَرْكَبَهَ هو رمز الثورة رمز التضحيات == ومنهجه الايمان ، فاز اليِصْحَبَهَ وآني من هاي العقيدة تيقنت ===== وأمضي بالدم عالولاء واكتبَهَ اِسمي ثابت وأبقى ثابت عالعهد == من أضحي بروحي اعظم منقبه آني جيت وأدري باخطار المسير === بلهفة المشتاق رغم الناصِبَه آني جيت أنشد قصيدة بهالمصاب == وَالْطُم واَمْشِي واَعزّي بمَوْكِبَه جيت اشــارك بالبچي بيت النبي === شـــافَوا انواع المصايب لاهبه جيت أواسي المصطفى بسبطه الشهيد= وي ابوالحسنين عالي المَرْتِبَه جيت ارضّي الزهرة خير الامهات == من ازيد النعي واب چ ي وَاَنْدِبَه جيت أسجل اسمي وي دفتر حسين=ينطي ماي الكوثر وبايده اَشُرْبَه جيت انادي يا حسين بمجلســه === والدمع غالي ولمصابك أسْــكُبَه جيت وكلّ همي اخدمك يا حسين == وبسجلك اسمي ينضاف وتِكِتْبَه جيت اواسي ام الخدر بنت الهدى== يا صبرها أعظم صبر من نِنْسِبَه هي زينب بت عليّ فخر النســاء === إنجمعت اعليها المحن متكالبه جيت اناشدكم يخوتي اعلى الكفيل == اشلون طايح عالشريعة واَنْحَبَه وادري بالعباس سـبع ال گ نطرة === جيش من تلاثين الف مَا ارْعَبَه جيت اسايلكم صدك اكبر ذبيح == وأخذ منه العطش اقســى مَاْرَبَه جيت اشوف الطفل مذبوح بقماط == اشلون طّفَتْ نوره هاي النايبة جيت اشوف اقمار آل المصطفى == اشلون ضَـحَوا بالنفوس الطيبه جيت اشوف ابن مظاهر وابن قين == وجمعة الانصار فرسان الإبا جيت اشوف الماي هم يجري بفرات=لو نشف من خجلته بيوم اِطْلَبَه وصل للشاطي ورمى الماي ورجع = من سمعهم للضعن خَلْ نِنْهِبَه ما شرب قطرة وركض يم الخيام ==غِيرِة حســـين فريدة ومُعْجِبَه آه من عملة فرات أكبر جرم === قِضَّى عطشان الحسـين بمَقُرْبَه هذا ذنبك من كبائر نحسبه ===== حتى فرعون الغوي ما يِذْنِبه آه يا شهر الحزن لَمَن تهل === وتلبس الشيعة السواد وتضْرِبَه وانظر الزنجيل والتطبير يندب = وموكب الخيرات تبدي تِنْصُبَه وآني هاي دماي انطيها فدا === واطلب بثاره واناصر طالبه واطلبت من ربي خَيرِ الخاتمة = وعلى نهج حسين حُسْنِ العاقبة اذاً آنه اوفيت بحقوق المودة = فرض حبهم ربي حتما أوجَبَه يا آلهي أحشرنا وي آل الرسول = وبيهم نفوز ونجوز العقبه ونسألكم الدعاء
توقيع : جعفر المندلاوي
إِلهي هَبْ لِي كَمَالَ الانْقِطَاع إِلَيْكَ، وَأَنْرِ أَبْصَارَ قُلوبِنَا بِضِياءِ نَظَرِها إِلَيْكَ
حَتّى تَخْرِقَ أَبْصَارُ القُلوبِ حُجُبَ النُّورِ فَتَصِلَ إِلَى مَعْدِنِ العَظَمَةِ وَتَصِيرَ أرْوَاحُنَا مُعَلَّقَةً بِعِزِّ قُدْسِكَ
التعديل الأخير تم بواسطة جعفر المندلاوي ; 25-11-2013 الساعة 02:55 PM .
سُنّيِ في سِجِّل الحُسين ~
العرض العادي
