[زكي الياسري]

اهدي ثوابها الى اموات القراء الكرام .. واموات شيعة امير المؤمنين من لا ذاكر لهم يذكرهم و خاصة خدمة الحسين عليه السلام

واسألكم الدعاء

يا بويه ابجاه الزهره .. لتخليني وتروح
وحدي ابحركَة احزاني
احمل لوعة اشجاني
لتخليني وتروح

**1**
يا بويه منهو البعدك يباريني .. يا بويه اموتن لو غبت عن عيني
يا بويه وحدي بهمي لتخليني .. طفله وعليله و ما شفت بسنيني
غير الاه وحسرتهه ... ما شافت بويه الروح
ماريدن عمري ابدونك
شاهد حالي بعيونك
لتخليني وتروح
**2**
يا بويه اعتب علزمن والايام .. دار و فجعني بكل ثجيل الالام
يا بويه والفاجد تره ما ينلام .. وانه افكّدت بفراكّك احله الاحلام
يا بويه اللوعه بصدري ... بين اضلوعي متنام
ويه اعيوني سهرانه
تنشد عنك ولهانه
لتخليني و تروح
**3**
يا بويه وشذنب الجنيته ابدنياي ... حته افاركَـ صورتك يا رجواي
يا بويه شاهد بالمـــدامع عيناي ... ما هوّدت مجراهه جن سيل الماي
سيل ادموعي و جاريهه ... لفراكَك يا مظلوم

يا بو الاكبر تانيني
من دونك لتخليني
لتخليني و تروح

**4**
يا بويه جيتكم اضل اتناهه ؟ ... لو اكَطع الضنه بفجر ملكَاهه
تدري يبويه ابعـــلتي و فحواهه ... دوّاهه شـــوفت طلِّتك دوّاهه
بويه الهم الم كَلبي ... يا ذكره تعوف الروح
يا منضر تنسه اعيوني
خابت يا بويه اضنوني
لتخليني و تروح
**5**
يا كربله اشعندج اويانه يا ثار ... حته ابترابج ينفجع حامي الجار
يا كربله عندج احسينه خطار ... مو عدله غدرج بالضيوف الاحرار
سالم رديه اعلينه ... سبط الهادي المختار

بالمذبح لتـــيتميني
وآنه بمبداهه اسنيني
لتخليني و تروح ..
**6**
يا كربله اشلون العذر من جده ... بترابــــــــــج احسين الدماه اتبده
شعذر الفرات الما وصل يم حده ... شعذر السهم من صاب ويلي جبده
شعذرك يا طف من طه ... شعذرك من حامي الجار
شعذرك من امي الزهره
يا طف من كطعوا نحره
لتخليني وتروح

زكي الياسري النجفي
2 محرم 1431
كيل

وهذه نزلة تجليبه بالمناسبه

واسألكم الدعاء

عليك الزهره بويه لا تخليني
جمر وناتي بفراكَك يجويني

**1**
عليله وبيك يابويه انعقد ضني
ويسكن كل الم لو كَربت مني
دكَلي اشلون احمل تبتعد عني
وحيده ابلا ابو صعبه تخليني
**2**
تشوف ادموعي فوكَـ اخدودي جاريهه
دمه و آهات لو صح بيدي ابجيهه
يبويه اليا كتر بعدك اصد بيهه
يعمن لو غبت يابويه عن عيني
**3**
عمت عيناي لو عني غبت يحسين
مو سهله احتمل فكَدك ينور العين
يا بلسم حياتي ريت اخذني البين
و لا عيشن رحيلك من يبجيني
**4**
نهاري ابلا وهج نورك صُبَح ليلي
وليلي اويه المدامع هدمه الحيلي
اموت ابلا حنانك بويه يا ويلي
ومن بعدك يبويه من يسليني ؟
**5**
تسليني دموعي و حركَة الونه
و صدري سيل آهــاته يسلنه
عمر من غير طلتك ما اريدنه
ضني جان يالوالد تباريني
**6**
تباريني واباهي بيــــــــــــك ايامي
وبجـــــــــــالك اعيشن باقي ايامي
وسف يا بويه ضاعن كلهن احلامي
بس طيفك يمر بيه و يناغيني

زكي الياسري النجفي