[زكي الياسري]

بين ليلى المحرومه .. والاكبر .. اشبه الناس برسول الله


صلوات الله و سلامه عليه


نــَشِّــِفْ دمع عيناي ... يا سلوتي و رجواي


لا لا تِضَيّـع إرباي ... اوفيني يبني بهــاي


**1**


يبني بساعة اوداعك احس روحي .. مثل تابوت نوح و ترسته اجروحي


تقاســــــــــيم الوجه بالفاجعه توحي .. و تكَـل لمك يلــــــيله الهلكَمر نوحي


سلـــمني للاحـــزان ... ريت العمر لا جــــان


تانيني يا منواي ... اوفيني يبني بهاي


**2**


يريت الموت مرني و لا خذك منّي ... و تراب الكَاع كبلك يلولد طمني


انه الــكَــُربك ييمه ابفرحه هيمّني ... شلون اكَدر عله فركَاك علِِّـــــمّني


لا لا تضن انساك ... ميته بلا ذكراك


باقي يضل وياي ... اوفيني يبني بهاي


**3**


اجر حسرات حسره تِـتّبع حسره ... يماي العين فكَدك فاجعه كبره


الكَلب يوليدي ما يحمل بعد صبره ... وَحكَـ ضلع الزجيه فاطمه الزهره


ردلي الربه الربيت ...يا عمد هذا البيت


ردتك ذخر دنياي ... اوفيني يبني بهاي

**4**

ششد بجروح روحي تنفتحلي جروح ... ويضل ميزاب دمعي بكل وكت مسفوح


ييمه و بــــــــــــاب حزني للأبد مفتوح ... او ونيني خـــــــــالد ابونة حمام الدوح


ون الحزن ونيت ... كَبلك متت ياريت


يبني ونضر عيناي ... اوفيلي يبني بهاي


***5***


رماني دهري بسهامه و اخذ مني ... اعز سلوه و اعز ذكره و كثر وني


الوج و انتحب لو ناشدت عني ... حرام اعليه لو عكَبك ضحك سني


دمعي نهر سيال ... ما جانت اعله البال


تتركني و بّـــلوآي ... اوفيني يبني بهاي


***6***


شمس ايامي يمه و بهجة اسنيني ... ييمه ابطيحتك بس دمعتي بعيني


يحن حته الصخر لو يسمع اونيني ... وبكَت بس ذكريات الود تواسيني


يا ثمرة الدلاّل ... يا شجرة الآمال


يرويهه دمعي بماي ... اوفيني يبني بهاي

تمت بحمد الباري


زكي الياسري النجفي