[مازن الشطري]

على الهادي جريّه *** دموع الفاطمية


الك نشرح هضم بينه نبينه


لمن غمضت أعيونك نبينه


غرس بينه الدهر بعدك نبينه


ناب الفركَه وي ناب الرزيه




يعز أعليه من أنظر ولاراك


ولجلك مابطل نوحي ولاراك


أون اوتنزل أدموعي والأراك


شجرها تشهد أضلالة عليه




أجتباك الباري للأكوان منذر


الملح بجفاك فوكَـ الجرح منذر


ما ظل ذر من الأكوان من ذر


الا وأنتحب يوم المنيه




الكَلب بجفاك جمراته ورثها


رثه حالتي يصعــــــــب ورثها


يبوية أوديعتك غصبوا ورثها


ماراعوا عهودك والوصية




يبوية عن بضعتك يوم مر سل


ونته الرحــــــمة للأكوان مرسل


سفينة الروح ونته الصرت مرسى ال


سفينة روحـــــــــــــي ببحور الأذية



أصطفاك الباري وأحسن مصطفى النه


ابهواك أنفطـــــــم وأثر مص طفلنه


نريدك دوم تحضر مصطفى النه


خصوصاً بالحشــــــــــــــر يابو الزجية

مازن الشطري