[عدنان الحمامي]

سلام عليكم والحمد لله الذي رزقنا واياكم ولاية امير المؤمنين علي بن ابي طالب عليه السلام

--

--

-- في الكعبة الغراء مولد حيدر

هذي الحقيقة أذهلت واعيها

فاجبتهم هذا الكلام مبرر

فا لله اوجدها ليولد فيها

---

الموال

--

گبل الخليقه علي الله جعل ياهله

وبيه كعبته اتشرفت هذا الشرف ياهله

وأنبهر بيه كل عقل لاچن فلا ياهله

والحالف بعزته ماخلق ارض وسمه

الا لجل حيدره ومن اسمه شگله سمه

اتوضحت عدنه اذن للكعبه ماكو سمه

لاچن وجدها العلي وبيها انلولد ياهله

---

مختصر الموضوع انه في حديث الكساء الله سبحانه وتعالى من قسم بالعزه وجلاله ماخلق ارض مبنيه ولاسماء مدحيه

ولاشمس مضيئه ولاقمر منير الى آخر الحديث

الظاهر ماكانت اكو كعبه

لاكن خلقها العلي بن ابي طالب عليه السلام ليولد فيها -- هلا ومليون هلا ---

-------------

ابوذيات

---


أبويه بحب علي راسه يعالي

اللهي لاتعذب أمي يعالي

أسمعتها اتصيح من تطلگ يعالي

وحب حيدر علي رضعتني هيه

--

ربي البغض حيدر رضه عني

على امي ترضه ربي ورضه عني

ثداياها الولايه رضعني

وابويه حب علي وسمّه بيّه

---

الفلك لولاك يابا الحسن مندار

وثديي الوالده امحبتك من دار

ارحمها يربي اتفوز من دار

هيه او والدي ابجنه زهيه

--

بحبك ياعلي ابهاماي ماظن

وعهدي امجدده امن اسنين ماظن

متحضرني امن اموت ابهاي ماظن

تحظرني اعتقادي أويه الزجيه

---

--

موال بحر طويل

---

التفت يمي اريد اوياي فضيله بحگ علي اسمعها

بس وحده أخذ مني وروح الباقي ضيعها

ماگلك الاه الكون لجله السمه يرفعها

ولالجله شمس ونجوم خلق والگمر يتبعها

ولا آدم توسل بيه الجنه ابثمره بايعها

ولا أمه مثل مريم ألله ابعيد طلعها

ولا چفه الشمس مرتين أومه وچفه رجعها

اگلك بالفضيله هاي واسمع مني مطلعها

علي لعبادت الثقلين ابضربه وحده يجمعها

---

موال آخر بحر الطويل

--

يواهم لاتظل غفلان نفسك دوم حاچيها

وبجسمك أكو سلطان عقلك هاليمشيها

ومن توصل الدرب الخير ثمرة خير تلگيها

هوه ياهو من يضرب وحده ومايثنيها

وبوجه المنيا دوم يضحك من يلاگيها

ويبچي اتشوفه بالمحراب خشيه أدموعه يجريها

يواهم أخذ هالعبره وبذنك دوم خليها

تره آدم ابتفاحه باع الجنه والبيها

وعلي هالجنه من الله بحفنه اشعير شاريها



سيد عدنان الحمامي