رحيق أهواه وأشفافي حسّن بيه*
لحد ما صار وي دمي حسن بيه
صفات الطيب مولانه حسن بيه
ورثهن من حـــــــــــجر خير البريه
*أحتسى
الحسن آيات في شانه ونص فيه*
لذلك نحسن ابحـــــبه ونصفيه**
شهر رمضان بيه رحمه ونص فيه***
انبلج نور الحسن فوكَـ الوطيه
*نص
**نصفي من الصفاء
***نصف
يانور هذا الي أنبره ** منه الكَمر غار
الحسن طل أبمنظره** لو حامي الجار
طل ابنصف رمضان ** خله الكَمر خجلان ** معقولة هذا أنسان
خلاني محتار
****
محتار وي الكَمر مـــــــن هذا الأشعاع
سبحان ربي أشجعل في حسنه أبداع
من نورة صرت التمس**أفديله كَلت النفس **حسيته مثــــــــل الشمس لكنه بالكَاع
حيرني وحتاريت ** من نوره جان عميت**هــــــذا كـــــــريم البيت لــــــو حامي الجار
.
.
مثل الشمس من بزغ وتشعشع النور
كــــــــــل الملاك أبتشر والجنه والحور
شالن أكاليل الورد **ويرتلن آيات الحمد **حيدرة ابجيته منسعد
والهادي مسرور
منهو الأشد فرحان ** من سيدة النسوان ** من هاي أظل حيران
لو حامي الجار
.
.
يوسف جماله صبح من حسنه موصوف
عن وصفه أتعــــــــذرت خجلانه الحروف
مني تريد العذر **عجزت قوافي الشعر**من نوره حتى البدر
هليله مخسوف
حيرني بين أثنين **هذا ابو الحسنين **لو أول السبطين
لو حامي الجار
.
.
في ليلة المنتـــــــــــــــصف قائدنه مولود
طل اوكساهه الشرف والرفعة والجود
رابع بدر للحجج **طل اوسكن بالمهج**بأسمه نريد الفرج
للغايب ايعود
من عنده عقلي أنذهل **وكَليبي عنه سأل **هذا بن خير العمل
لو حامي الجار
.
.
يابدر طر اولمـــــــــــــع مابين الأنجوم
صابر كَضيت العمر بالدنيه مظلوم
لابس ثياب الصبر**وأتعاني من الغدر ** تاليها حتى الكَبر
ياوسفة مهدوم
منهو اليهب للثار **وأيجرد الفقار **المهدي المغوار
لو حامي الجار
.
.
.
مازن الشطري
لولادة الأمام الحسن ابوذيات وقصيدة
العرض الشجري