[لحن الشجن]

بسم الله الرحمن الرحيم

اللهم صل على محمد وآل محمد

السلام عليكم ورحمة الله وبركاته

حوا دار بيني وبين صديقتي فأحببت أن انقله لكم

لاعرف آرائكم

شجن : ليش البنت تحب واحد مو متأكدة انه يحبها ؟؟

أم مجتبى : لأن عندها فراغ عاطفي !!

شجن : زين ليش ما تكمله بحبها لصديقاتها أو أهل البيت أو أهلها أو ربها ؟؟

أم مجتبى : في الغالب تكون هي الأشياء موجودة بس بمقدار بسيط يعني اللي تحب ممكن تعاني من أهلها أو أصدقائها ودرجة الايمان عندها مو مرتفعة واجد

شجن : زين تنتظر لين يجي نصيبها وتتزوج وتحب زجها هذا حب حلال ؟!؟!

أم مجتبى : واذا ما تزوجت ؟؟ ثانيا هي ما تقدر تتحكم في مشاعرها !؟!؟

شجن : لا تقدر أحسن من انها تحب واحد 80 % يقص عليها
هذا اذا مو 100 % بعد واذا على قولتش اذا ما تزوجت معناه ان البنت تعرف ان اللي تحبه ما بيتزوجها فليش تحبه وتجرح نفسها ؟!؟!

أم مجتبى : شجن انتين مو مجربة الحب عشان جذي تتكلمين بهالطريقة

شجن : انتون على طول تقولون هالكلام انتون اللي سمحتون للحب انه يستولي عليكم !؟!؟

أم مجتبى : لا الحب ما يطق الباب قلت لش ما راح تفهمين لأنش ما تحبين ؟!؟!

شجن : لا أحب أهلي وأصدقائي وأهل البيت وربي !؟!؟!

أم مجتبى : حب عن حب يفرق

انتهى الحوار لأني حسيت انها ما راح تقتنع باللي أقوله وهي حست اني ما راح اقتنع باللي تقوله

الى كل من أحبت رجلا

الى كل من تحب رجلا

الى كل من لم تحب رجلا

أبدو آرائكم ونظرياتكم

تحياتي

شجن