[مرتضى شكر]

گوم مل صبرك يالمغـــيب دگوم --- صدگ ماوصلتك هاليوم العــــلوم
غســــلت بيدك ابـوك اوذاك يوم --- غــبت والغيبه اشوكت تاليــــــــها
---------------------------------
غيبتـــك طالت يسلطان العصــر --- شيعتك تنتـــظروالحگ ينتظــــــر
گــلي يمته اتوشل اسنين الصـبر --- شـــيعتك تصبر بعد مابيـــــــــــها
-------------------------
لاتخليها تگــص خــيط الرجــه ---- اوعــينك اعله احوالها متورجــــه
من سهام الشر ولاواحد نجــــه ---- غيبتك لا لاتطــــول اعليهـــــــــــا
--------------------
اليمته تبگه امعلگه ابخيط الأمل --- اولافردغيرك تفگــــــدها اوســـأل
حيل مابيــها يبن خـــير العمــل --- والضواري غدت تنهش بيهــــــا
-------------------------------
بيها تنهش غدت يالمهدي الافكار --- ليل موحــــش ليلها باع النهــــــار
الذيب ناطرها غده اباب الاخطار --- ابغابه ودعها اوهجرواليهــــــــا
------------------------------------
اعتابنـه ياذيك ندريبه اوصـــعب --- يبن مكه اتعرف ويلات الــــدرب
بين اهالينه نحـــس صرنه غرب --- قافله تمشي بلا حاديهــــــــــــــــا
--------------------------
عافها الحادي ابمتاهات الحــــياة --- ابصحره قفره ابلايه ظل حدره تبات
اتريدهــا تبقـــه على ذاك الثبات ---- اوجيش أبو مره غده امباويهــــــا
----------------------------
گلي تشـــگف ياسـهم ياجرح هم --- اتعاين اعليها الفضه اســود ادلهـــم
وين تنطي الوجه والأمـن انعدم --- اويمــنة الهاويه اتود تلويهــــــــــــا
----------------------------------
طول اغيابك وحـگــك مانـــزل --- اعلينه لتــظن يگـدرالســـــان العذل
ناطرينك والگضه ايوصي العدل --- شيعته المحجوب ماناسيهــــــــــــا
--------------------------------
الشاعر
مـرتـضى شــــــكر
النجــــــــــــــــف الأشـــــــــــــــــــــــــرف