[رحيم الحسناوي]

بت خير البشر اَنه .. انه الكوثر يسمّوني

الخلك كلهم يعرفوني .. وبعد عينك يضلموني

انه الكوثر يسموني

ـــــــــــــــــــــــــــــــــــ
انه الشمس التزيل الليل وَانه الكوثر ومايه .. زوجه اَنه لعلي الكرار واَنه البالذكر اَيه
اَنه ام الحسن وحسين والضل عالمسنّايه .. اَنه ام المشو للشام ويه الكافر سبايه
بكسر ضلوعي جازوني ... انه الكوثر يسموني

شفت الما يمر عالبال يوم تعنو لداري .. شبّت وي لهيب الدار وبنص الكَلب ناري
صار المدمع بعيني وبروحي الهظم ساري .. لاناصر يمرني اليوم لا ينغر علي جاري
اهل الشر يعصروني ... انه الكوثر يسموني

ياحيدر شاريد اشكي وشوصفلك يصل حالي .. اتحمل هضم بس هاي ابد ما مرت ابّالي
صرت اتوسد الونّات والهم يغدي موالي .. عبراتي وسجيب دموم صارت بيه يالوالي
شلون اهلي يتركوني ... انه الكوثر يسموني

شاعتب بويه شحجي اليوم حركت بيتك العسكر .. باعو دينك اهل الزور والحكَ بعدك تعثّر
حسراتي وونين بجاي بويه بصدري تتكسّر .. ريتك تحضر بهاليوم وتشوف الوصي ميسر
رادو بس يجتلوني ... انه الكوثر يسموني

هيمه وضاعت الوليان يوم تعنو علينه .. حركو ياولينه الدار والمالم كلف بينه
يكَصد خصمك باصرار لينه وبيده ياذينه .. لن غايب نبي المختار لو حاضر يهادينه
بليل اضلم يدفوني ... انه الكوثر يسموني
رحيم الحسيني الحسناوي