[ابو ظاهر البركي !]

السلام عليكم ورحمة الله وبركاته


طلب مني احدهم ان اكتب شعرا يشير للفرح وقال انت دائما تكتب الحزين
فقلت له غدا ساكتب لك شيء عن الفرح , وتشاورت مع قلمي وكتبت


زاعلني الفرح من كبل ماصير === ولبسني الحزن من صغر جابه
وابابه ادك واكف الي سنين === ولافد يوم كام وفتح بابه
وصاحبني الحزن والتف بالكماط=== وكال مصاحبه حتى بشبابه
وفلت مني الشباب وطحت بالشيب === وحتى الحيل كام اعلن غيابه
جزع مني الفرح جا ماصحت آه === تنخه بالزمن واعلن عتابه
كام الزمن جر بصدكة الروح ==== وتخاوه وياه وكشر كل نيابه
حزن حزني علي من طحت بالضيج === كام ولطم خده وشك ثيابه
وصاح بصوت اخوك وياكل وياك === عجيبه شلون جسمك حمل نابه

كلتله اكعد واسولفلك يحزني
صديج وعن طريق البر يحزني
كلشي اتوقعت لاجن يحزني
بسجاجين الغدر وشلون بيه

صاح الفرح مانرهم انا وياك
بسبب انات البكلبك ان وياك
حزنك لاتضن يصمد ألأن وياك
اذا تنخه علي حامي الحميه

كتله
نخيته والعمر كله ولامل
ولاأزلف عن اعتابه ولامل
ابقه ارتجي منه ولي امل
شفاعه بيوم تدناني المنيه



تحيات
صديق الحزن
ابو ظاهر البركي