[رحيم الحسناوي]

كون عد كَبرج نعيد الذكريات
ونحجي يمج يالطهر مابينه
وكون ما نعلك ضوه ونضوي الكَلوب
وهيه التعوّض مكان الزينه
وكون نبني بكل ارض كَبه وضريح
وعتبه لن اسمج هوى ويحيينه
وكون نمشيلج زحف نسوه ورجال
ورضّع وصبيه التسابكَ بينه
وكون يوكف هالزمن ساعة زمان
وينسى كل الكون ويحاجينه
ارد انشده وبالبخت كون الجواب
بيا كتر درب الذي يدلينه
بيا ارض يمّ الحسن كَبرج يصير
الحسره بينه وكل وكت تاذينه
وهم تمر بيج الشمس يمّ الفحول؟
ثاري تاخذ منّج وتنطينه
هنا يروح الخاتم وخير النساء
بصاية الله وبيج لا تنسينه
احنه اجينه وعالحسن فتّحنه عين
وعشنه بالكرار وبحسنينه
وهسه ننطر طلعه من راية همام
وحجة الله المنتظر مهدينه
رحيم الحسيني الحسناوي