بمناسبة الفاطميات اقدم لكم هذه
الكلمات المتواضعة راجيا من الله تعالى ان تحوز رضى
مولاي صاحب الامر ورضاكم
------
بحق النبي صلى الله عليه وآله
------
أمرك بين طرفه وانته باها
انته اول المنزل وانته باها
شرف بيك نفاخر وانته باها
ينور الله الصطع بالجاهليه
----
بحق امير المؤمنين عليه السلام
-----
اودك من جنت نطفة ومضغة
بحليب امي طعم ذقتك ومضغة
عدوك بيه صقر تلهب ومضها
علي نفس النبي ومحسوب اخيه
----
بحق فاطمه عليها السلام
----
تعال اقعد معاي مكدر الكيف
وخلنا بسيرة الزهره نتكلم
نعم هيه ام ابوها ونور من نور
نعم هيه ام الايمه وسر الاعظم
هيه من خديجه وطه نورين
هيه بس علي وياها يرهم
عجيبة شلون قدروا وصلوا الباب
وقائدهم بسيف الحيد اسلم
جذب صارت سقيفه وصاروا اسلام
لان يدرون لاخوه طه شعلم
ساوها رئياسه وصفوا حكام
وصار الدين من بلواهم اظلم
خل نحجي حقائق والزعل عيب
عسى باجر بيوم الحشر نسلم
لا بيهم عدو شخصي وانا اهجيه
ولا حيدر ابن عمي مكرم
اهو صفوة الصفوة وسر الاسرار
ولا غيره لام الحسن يرهم
ولا غيره لام الحسن يرهم
----
نسألكم الدعاء
ابو تركي البدري
1\4\2010
من اوراقي -- الفاطميات
العرض الشجري