[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

يازهــــراء == يازهــــراء
ــــــــــــــــــــــــــــــــــــــــــــــــــ ــــــــــــــــــــ
حيدر وين حيدر وين === وإم إحسين تجري العين
ــــــــــــــــــــــــــــــــــــــــــــــــــ ـــــــــــــــ
طلب منهم رسول الكـون == مَوَدّة عترتــــه الطيبيـــــن
أجُر لازم إلَه ينطون == مَوَدَتْهُــــم أصل بالدين
واجب عالنهج يمشون == يطيعونه أبــــو الحسنيين
للزهراء ما ينسون == وديعــة طه أم إحسين
ما طاعوه ما طاعوه === أبداً أحمــــــــــد ماوفّوه
وإبغيهم ظلّوا ماشيـن === وإم إحسين تجري العين
ـــــــ
بعد ماراح هاديهــــــــم == نسوها العتره ذوله الناس
ظهر شيطان حاديهــــــم == مشوا بالشر جهاله إو ساس
حقد موروث يمليهـــم == يكرهون الوصي النبراس
لأن سيفه نزل بيهم == ما ظل للشرك أي راس
سيفه النور سيفه النــور === للحق يضوي إو صار السور
لكن مهموم إبهل حين === وإم إحسيــن تجري العين
ــــــ
حيدر وين ذاك اليوم == من شعْلوا عليه الدار
سيفه الماتوانــه دوم == أظن ماشاهد الأشرار
ما شاهد قزم مذمـــــوم == إجَه إو حامل حقد من نار
نوايا الشر غيوم إتحوم == نكروا بيعة الكـــــــــــــرار
ذوله أشرار ذوله أشرار === نكـــــــــروا هادينه المُختار
ما بيهم خير إو ناسين === وإم إحسيـــن تجري العين
ـــــ
دفعوا باب دار النور == عصابـــه فاﮔده الأيمان
هاي الدار بيها إيدور == وحـي من العلي الرحمن
حل بيها الظُلم والجور == من زمـرة بغي إو طُغيان
وإبصدر الهُدى المعمور == بسمـــــار إرتمه إو حيران
صدري إنعاب صدري إنعاب === همســـات الزهره إعلى الباب
والباب إينوح المسكين === وإم إحسين تجري العين
ــــــ

ألم بحشاي ياذينـي == لمصاب الوديعه إيدوم
لهفه إو شوﮒ يمليني == أزور الهـــادي إبكُل يوم
أواسيه إو دمع عيني == أصُبّــه إو أسأله مهموم
يامرســــــــول دَلّينـــــــي == على الزهره فؤادي إيحوم
يازهراء يازهــــراء === شفعيلي إبيوم الأرزاء
ما أنسه إمصاب الطيبين === وإم إحسيــــن تجري العين
ـــــ
يلمهدي إلَك ثـــــارات == من يوم الضلع مولاي
تظل بينه تُون حسرات == تنتظـــــــرك تداوي الداي
تداوي إجروح مو هينـــــات == غزت روحي إو مشت بعضاي
أمل عندي أبد مامـــات == تجي لينه إو تُسر عيناي
لمته الثار لمته الثـــــــــــار === صوت الحق ﻳﺑﭽــي إو محتار
مهموم إيناديك الديــــن === وإم إحسين تجري العين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld3a979115.mp3.html