للضحة بعيونة ..... العباس لضعونة
اني جيت اليوم ارسم لوحة بدمـوع القدر
للكمر عبـــاس ذخرج جتف جفـــوف الدهر
يادمع يرسم صورنه انرسمت بعيني الصور
يم البنين الأربعة .... شوفي الجفن خط مدمعة.... العباس سبع المشرعة راسمها جفة اعلى النهر
صولة الكرار طب للحومة .... لبحرب صفين هدم كومة جنة علي الكرار ..... هاج اخذي مني اخبار
ياقياس اشلون اوصلة بالوصف مالة مثيل
الكمر عباس هيبة والجبل منـــــــه يميل
هذا ليث الغاضرية جمد الماي اليسيـــــل
من اعتنه صوب النهر .... ضاع الفرات بلا خبر.... من خوفة جف من الكمر والجربة عندة اكبر دليل
بيدة شال الماي شد جروفة ..... وتومي للخيمة يحرة جفوفة
ويتروة دلالي .... من شوفته اكبالي شاف اخونة حسين وحدة وقدم اخوانه هدية
وقدموا اولادج اجمل صورةللزهرة الزجيـة طافوا الميدان جنهم ذاك حمـــــاي الحمية
احتارت جيوش العدا ..... من شافوا اعليهم حدا ....خيالة سيف موحدة
وارتعدت ارض الغاضرية
هم اسود المعركة الهم غابة .... افترسوا الأنذال والنصابة والخوة وافوها .... بالغيرة رسموها يـا شمس تكدر تعـــــاين صورةالعبـــاس وحدة تلكة دوم حسين عينه ونور وجهــا ولــون جبدة
غطة وجها النور كلــة والشمس شامة اعلى خدة
ولحسين سيف بيمنته ..... وصدرة الدرع يم جبهته ..... العباس كلة ابهيبته
منهو يم خيالة عدة
من دخلها اعصار طب للحومة ..... اعلن الجيش العدا حد يومة
وياجيش يتعدا ..... بلا راس اله يردا
ياكمر لو بسمة انادي ويسمع بدلالي ونــــــة
اني افضل الكون يزحف ينسحب بالخفية عنه
لوعرف بالخيمة حسرة ولو خطر يتعنه انـــه
ايسور الغيرة الهلة ..... وبغيضة لو شاف الملة ......ماتبقى ارض وكربلة
وهو بالعباس املنه
شوفي يم عباس ضحة ابعينه .... بالخوة شال جفوفة لجل حسينة وللخوة يفديها .... وريتج تشوفيها الكمر عباس وفة وحاشا لو عباس قصر
ضحة باولادة وخوته وضحة بعيونة وتعذر
اتلاوة وي الموت شخصة وراد ينهض جن ميكدر
واتوسد زنودة ويون .... واتوسد زنودة ويون بالغيرة لعيالة يحن .... واتوسد زنودة ويون صابة السهم غطة الجفن.... واتوسد زنودة ويون
واتوسد التربان شخصة وجفة ضل يومي علية
@@@@@@
خادم اهل البيت
احمد رفيش
هاج يم الاربعة اتلكيها ...... لخادم اهل البيت ع .... احمد رفيش
العرض الشجري