[زكي الياسري]

ثوابها لكم و لكل من يٌحب امير المؤمنين علي عليه السلام



حُبّك علي ... في داخلي
أصبح وطــن
مابيعك مابيعك مابيعك
يابالحسن
1
يا علي التاريخ اعلَن ضِـدي منهاجه العدائي
حارِبوني و هجّروني مــن صُبَح ليك انتمائي
يا علي و أبقه ابصمودي حته لو زاد ابتلائي
دام بيك آنه اعتصامي مــــــا يهزّونه الولائي

ياقائدي .. يا سنـَدي
رغم المحن

عنواني عنواني عنواني
يابالحسن

حُبّك علي ... في داخلي .. أصبح وطن
مابيعك مابيعك مابيعك
يابالحسن
2
يا علي شمس العقيـده .. انتـــه واهبها ضيـاهه
وانته رُبّان السفينــــه .. ولِلأرض حامي حماها
و بالحرب راية مُحمد . ص. انته من تحمل لواها
بيدك الـّي بالمعــــــارك .. ما كَدر واحـــــد لواها
ويله الرغب ... يمك كَرب
حِسبه اندفن

سل سيفك سل سيفك سل سيفك
يابالحسن

حُبّك علي ... في داخلي .. أصبح وطن
مابيعك مابيعك مابيعك
يابالحسن
3
يا علي انته الكرامـة .. و انته عنوان السياده
وانته دستور النجـاح و انتـه مفتـــاح السعاده
وانته يا بالحسن إنته .. تبقــة سُلطـان القيادة
و انته باب الله الوسيـع اوانته مِحراب العباده

خير العمل .. أنته الامل
طول الزمن

لحبابك لحبابك لحبابك
يابالحسن

حُبّك علي ... في داخلي .. أصبح وطن
مابيعك مابيعك مابيعك
يابالحسن
4
يا علي نهج البلاغــــة .. ليـــــه چفّك حط بداية
و دام انته الي بديته ... يعني بس انته نهاية ؟؟
يا علي وين اكو غيرك .. يحچي آية ويسكت آية
يعني نورك آية كبـرى .. وبيك نلنه الشرف غاية

النه الشرف .. مِنّه اغترف
كل مؤتــَــمن

يا غالي ياغالي يا غالي
يابالحسن
حُبّك علي ... في داخلي .. أصبح وطن
مابيعك مابيعك مابيعك
يابالحسن
5
يا علي نوّر الدنية علمَـك البيــــــه اقتدينه
للعلم طه المدينة وانتـــــــه باب الهلمدينه
ما نحيطك يبو زينب لو دهر عنــك حچينه
يعني تاج العلم انته و انته جوهرته الثمية

أنته البدر ... بي نفتخر
دمنه الثمن

ذبحونه ذبحونه ذبحونه
يابالحسن

حُبّك علي ... في داخلي .. أصبح وطن
مابيعك مابيعك مابيعك
يابالحسن
......
....
...
..
.

زكي الياسري