بصوا يا جماعة بنجيب نصف كيلو ارز مصرى
وبنجيب نصف كيلو لحم مقطع قطع متوسطة مائلة للحج الصغير
بصلة مبشورة
حليب
زبد وقشدة وملح وفلفل
بصوا الاول بنغسل الارز ونشفة
بعد كدة بنجيب الصينية او الطاجن اللى هنعمل فية الطبخة
وبنحط فية الارز الناشف ونضيف علية ملعقة كبيرة قشدة وحوالى ملعقة كبيرة زبدة
ونخلطهم ببعض كويس اوى كانك بتخلطى فى عجين لحد ما الارز يتوزع جواة كلة القشدة والزبدة
ونتركة جانبا
بعد كدة بنجيب اناء بة زبد وبعد كدة البصلة المبشورة واول ما البصلة تذبل انزل عليها اللحم واقلب كويس جدا وبعد كدة اضيف ماء علشان اللحم يستوى
واكون طبعا بغلى الحليب واظيف للحليب الملح والفلفل واعملى حساب الارز واللحمة لاننا مضيفناش عليهم ملح خالص
بعد كدة بنحط اللحم فى قلب الارز ونحط كمية الحليب عادى جدا على اد كمية الارز
كانك بتطبخى ارز عادى
بعد كدة بنحط على الوش شوية فريش كريم
وعلى الفرن علطول
وبعد نصف ساعة افتحى الفرن لو لقتية محتاج القليل من الحليب مفيش مشكلة ضيفى عادى
وبنسيبة لحد ما الوجة لونة يحمر
وبالف هنا
الارز المعمر باللحم (طبق من الريف المصرى ) رائع
العرض الشجري