[احمد آل مسيلم]

آني بتك يا علي

آني بتك يا علي والكلب ناداك....باقي بهموم وهظم ومصاب فركاك

ردْ لي روحي يالحبيب وعين حالي...بيتك بوحشه وغريبه هل الليالي

.................................................. ................

بويه ابو الحسنين ظلّك....خيمه ومخيم علينه

مصابك بكل كلب يسري....وبعدك الدنيا حزينه

يا عيني شوفي الي جره واجري ادموع

من بعده صاحبني الحزن كلبي يلوع

والونّه جمره بالصدر بين ضلوع

ومنهو يجيب الروح لو صاحت تريدك

هو نوري وبيه تتكامل صفاتي...ومن مضه جني أعيش بلا صفاتي

ريتك تعود وتشوف الي جرالي....بيتك بوحشه.......

.................................................. ....................

آني زينب يل ولي .....بتك الحره الأبيه

جرحك بروحي أساسه....أشتكي والبيك بيّه

دمعتي جمره عله خدي...والحزن بعدك سجيّه

ناديتك بنوح وبجي ردت جواب

من سال دمك يلوصي بالمحراب

ردتك دجي لزيارتي دك الباب

لا جن اصوابك أخرك ما بيك جيّه

وبهامتي اصوابك يروحي، من تلكاك؟...والشمس غابت تواسي اليوم فركاك

وصوتك بكلبي جِفلْ وانشده حالي....بيتك بوحشه.......

.................................................. .................

آه يا خويه الحسن.... حاجي روحي بهل المصيبه

وشنهو حال ابو اليمه....روحه مجروحه غريبه

وريت أمي الليله تحضر....فاطمه الزهره النجيبه

وتشوف ابو اليمّه علي متْحنّي بدموم

ويمّه الحسن كلبه تفطّر مهموم

والكون مظلم بالحزن عل المظلوم

الكون أظلم وبحزن أنده وواسيج

آه يا يمّه بألم جيت آني أنخاج..... والدي حيدر علي الليلة تعناج

يمّه خيب هل الدهر روحي ومنالي.... بيتك بوحشه.......

.................................................. ...................

آه من ونّت افراكك....وما يطيب الجرح بعدك

انته نور العرش نورك....وبمدار الكرسي حدك

وبسمك الافلاك تجري....يا علي خاب اليضدك

يا علي اسمك عل العرش ظل مكتوب

يا نبع من فيض النبي وسر محجوب

الله..وبسيف الدعي هل الليله مصيوب

وداهمنه طوفان الحزن وي صدك

والليله ودعنه الوصي بدموع أنهار....وبكل كلب ونّه تظل تذّكّر الصار

من بعده جافينه الفرح والبيت خالي.... بيتك بوحشه وغريبه هل الليالي





احمد ال مسيلم