اللهم صلّ على محمد و آل محمد و عجّل فرجهم و العن اعداءهم
السلام عليكم و رحمة الله و بركاته
كل عام و الجميع بألف خير يا رب
طبعاً في الأعياد لا بد من حلا العيد ... الأغلب بيعملوا معمول ( كعك بعجوة و العجين من سميد ) ... هلا أنا دايما بحب تكون ضيافتي غير ... يعني كل البيوت معمول معمول ... عندي بيلاقوا شي مختلف ...
كل سنة بعمل شي ...
هالمرة عملت كعك بعجوة ( لكن العجينة من طحين , أخف دم من السميد ) ... و كمان عملت طابات الشوكولاتة ... طبعا أنا عندي قصة عشق و هيام مع الشوكولاتة :p ... المهم بترككم مع الصور ... يمكن تشوفوا شكلها عادي ... بس طعمها روووعة ...
شوفوا ما ألزها من جوا ^_^ :
الطريقة باختصار :
بتحضري كيكة سودا بالطريقة المعتمدة عندك ... لكن خففي السكر ... يعني رُبع كمية السكر المعتادة بيكون منيح ... و كمان خففي دسمها ( الزيوت أو المرجرين اللي بتضفيهم ) ... خليها نصف الكمية المعتادة ...
شيرة خفيفة ( كاسة سكر ... كاسة و نص ماء ... 3 إلى أربع نقاط ليمون ... و بس يجهز و تطفي النار ضيفي بكيت فانيلا و حركيه ) طبعا يمكن ما تحتاجي كل الكمية ... حسب الكيكة ...
ملعقة صغيرة و نصف نكهة فراولة ( من عند العطار )
فواكه مجففة ( طبعا القطع الصغيرة )
ربع أوقية جوز ( طبعا بتطحنيه بطريقة ما يضل كبير .. و برضو ما تخليه صغير كتير ... يعني بحجم قطع الفواكه المجففة بيكون منيح ...
طابات الشوكولاتة من مطبخي
...
العرض الشجري