[زكي الياسري]

قصيدة جديدة عن لسان حال الرباب تخاطب عبد الله الرضيع .. عليهما السلام
من جديد قصائد محرم 1434 هـ .. أهدي ثوابها لكم ولأمواتكم و اموات شيعة امير المؤمنين من لا ذاكر لهم يذكرهم و أسألكم الدعاء

---------------------------------------------

يبني يمظلــــوم ..... عبد الله يبني

بالسهم فطموك ..... والألــــم ذبني

و الگلب شيكَول ........... يبني دِلِـلـــول

يالولد يبني ............ يلولد يبني

1

يالولد عگبـــك .. ما شفت راحه

گلبي الي فجعوه .. انته سِـبّاحه

منحرك گطعوه .. بالدمه وشاحه

حرمله الملعون .. بالسهم لاحه

ليليه لحزان ............. يوليدي ويــــــلاه

تذبح الوجدان ............ وي شوغة الآه

و المهد خالي .... يبني يغالي

يالولد يبنــي ...... يالولد يبني

2

مهدك الخالي .......... مرّد دليلي

اشبحله بالعين ....... ينهدم حيلي

خالي واهِزه ......... ويعله عويلي

واصرخ بالاحزان .. يا دمعه سيلي

فگدك فجعني .............. و الجرح ميطيب

ماحسّبت يوم ............ عن ناظري اتغيب

كل حلمي تكبر ... راح و تبخـّر

يالولد يبني ........ يالولد يبني

3

يا مهجة الروح ........ بهجة فؤادي

لو غبت يهلال ........ يبدي سُهادي

وابدمعة العين ......... يكتب مِدادي

بحروف الاحزان .. شوگي او ودادي

يا ذخر الايام ................. يا تعب السنين

آمالي كلهن ..................... ذابن بالونين

والگلب ولهان ... تنذبح عطشان

يالولد يبني ......... يالولد يبني

4

عبد الله بالروح .... آثارك اهواي

كل ذكرياتك ......... أحملها وياي

للباري اشكي ...... مجراهه دنياي

لو ادري تنصاب ... ما اطلب الماي

حرمله ابسهمه ................. من گِطع نحرك

سلمت لله ............................ يوليدي امرك

راح ابگه بعدك ... ابچي اعله فگدك

يالولد يبني ............... يالولد يبني

5

يا يمة آلآم .......... روحي عظيمه

عن عيني ترحل ...... والله هظيمه

بغيابك الروح .......... تبقه سَقيمه

ساعات الوداع .......... يبني أليمه

أشرحلك الحال ................ وابدي بالجفون

وابجيلك الآه ................. وي دمع العيون

فاجعة فگدك ..... ذبحتني بعدك

يالولد يبني ........ يالولد يبني

6

كاروك الاحزان .... هزيته بونين

بكل ذكرى وياك ... أتذكر احسين

و المدمع يسيل ... يا يمه صوبين

راح امن الدموع ... يعمن العينين

عاين يلوحيد .................... آهات المصاب

ليش انشد ودوم .............. ما يرجع اجواب

هاك الگلب هاك ...... هم دفنه ويّاك

يالولد يبني .............. يالولد يبني
زكي الياسري النجفي
02.09.2012