[رسل السلام]

في عجوز قاعدة بروحها وفجأة طلع لها إبليس , العجوز خافت وسمت بالرحمن . قال لها إبليس : أنتي ياعجوز تعتبرين نفسك داهية ؟
العجوز : إيه داهية , والنساء عموماً كيدهن عظيم ..
إبليس: أنا أتحداك , وبنشوف مين كيده أعظم المرأة وإلا إبليس ..
العجوز : خلاص أنا اسوي مشكله وأنت راح تحلها وإذا ماقدرت أنا أحلها وأفوز ..
إبليس : خلاص موافق..
راحت العجوز حق واحد من هالعاطلين اللي ماعندهم شغل وياكثرهم وقالت أنا بشغلك عندي فترة معينة بس , إذا تريد فلوس لاتتدخل ولاتتكلم ..
وافق الشاب لأنه طفش من البطالة ويريد فلوس , راحت العجوز ومعاها الشاب لمحل قماش وقالت له انتظرني عند باب المحل وخذت قماش غالي وراحت تعامل تاجر القماش ..
العجوز : رخص يابن الحلال..
التاجر: إذا انتي ماعندك فلوس اخذي شيء ارخص..
العجوز: ما اقدر .. لازم وإلا يصير شي ماصار..
التاجر: ليش ؟ لهالدرجه .. شنو السالفه ؟؟
العجوز : شفت الولد اللي واقف عند باب المحل هذا ولدي .. يحب له وحده متزوجه وهي تحبه ولما تتطلق من زوجها .. ولدي بيتزوجها وهو قال لي ان عارضتي الزواج بأطردك من البيت وأمرني اني اشتري له قماش غالي عشان يعطيها حبيبته ولا راح يطردني من البيت مع ان البيت بالأاساس بيتي ولكني غلطت وكتبته باسمه ( العجوز تبكي0)
التاجر: خلاص هونيها وتهون والله كسرتي خاطري .. خلاص انا باعطيك القماش ببلاش وعسى ربي يواجرني .. العجوز طلعت مستانسه وقالت للشاب روح البيت ..
بعدها راحت العجوز لبيت زوجة التاجر وطقت الباب وطلعت الزوجه ..
العجوز : آآآه يابنيتي أنا تعبت بالطريق وماأقدر أكمل ممكن أقعد عندك أرتاح خمس دقايق ..
رحبت الزوجة ودخلتها وأكرمتها وجابت لها شاي..
العجوز : مشكورة ماتقصرين إن شاء الله اردها لك ( تعمدت تنسى القماش وطلعت0)
الزوجة : حرام .. نست قطعة القماش .. أكيد بترجع بعد شوي وتاخذها بروح أحطها بالدولاب ..
تاجر القماش رد لبيته وتغدى ذاك الغدا الدسم ونام شوي , قام العصر وفتح الدولاب يغير ملابسه عشان يروح محله ..تفاجأ بقطعة القماش وعرف ان المره اللي يريدها ولد العجوز هي زوجته يعني تخونه قام عليها وطلقها وطردها بالشارع بالملابس اللي عليها ..
العجوزكانت تنتظر بآخر الشارع فراحت لها تركض ..
العجوز : وش فيك يابنيتي ليش تبكين ؟
الزوجة : زوجي طردني .. وماعطاني فرصة أتكلم ..
العجوز : خلاص أنا بوديك بيتي وبروح أحل المشكله .. راحت العجوز لبيتها ودخلت الزوجه في غرفه والشاب في غرفه ثانيه وقالت له مايطلع منها ..
راحت العجوز تبكي عند الشرطة وتقول: كنت قاعده في بيتي وفجأه دخل علي رجال ومعه امرأة وقعدوا ببيتي حاولت أطلعهم ماقدرت .. راحت الشرطة ومسكت الشاب والزوجه ..ورموهم بالسجن ..
العجوز: هاه شنو رايك يا إبليس دورك ألحين حل المشكلة؟
إبليس: لا لا ما اقدر أحلها السالفة تشربكت بالمرة ..
العجوز : انا راح احلها وكأن شيئاً لم يكن ..
راحت العجوز تزور الزوجة بالسجن وقالت لها : انتي ساعدتيني مره وانا الحين راح اساعدك ..يالله البسي عبايتي وغطي نفسك واطلعي من السجن كأنك انا وانا بأقعد مكانك
الزوجة: مشكورة .. لكن انتي ؟
العجوز : مالك شغل مثل ماطلعتك بطلع نفسي ..
تمت عملية الهروب بنجاح ..
الوالي قال للحارس انه يجيب المسجونين عشان يحكم عليهم ..
حضرت العجوز والشاب وقال لهم الوالي : ليش ماسكينكم وشنو مسوين ؟
ردت العجوز : احنا ماسوينا شي كنا قاعدين ببيتنا انا وولدي وإلا الشرطة طابه علينا وماخذينا للسجن ..
زعل الوالي وهزأ الشرطة وماعطاهم فرصة يتكلمون ..
طلعت العجوز من عند الوالي مستانسة وعطت الشاب فلوس وانهت خدمته من عندها ..



راحت العجوز لتاجر القماش وقالت له انها تعبت بالطريق وان زوجته اصيله واكرمتها وهي من كثر التعب نسيت قطعة القماش عندها وان زوجته بريئة وقالت خذ قماشك لأن ولدي سافر هو وزوجته الجديدة ..
رجع التاجر لزوجته وتأسف منها وارضاها بعد ..

كيدكن اعظم من كيد الشيطان
ههههههههههههههههههههههههه
الله يكفينا وياكم الشيطان