[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مسلم بالكوفه إينادي
ــــــــــــــــــــــــــــــــــ
يمكن قراءة هذه القصيده بنفس طور قصيدة ( هاي المهضومه إتنادي ) التي قرأها
الرادود الحسيني المرحوم وطن النجفي
ـــــــــــــــــ
مسلم بالكوفه إينــادي == وينك ياحامي الجــــار
غدروني أشرار الكوفه == روحي الجيتك ملهوفه
وينك ياحامي الجار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
مسلم سفير إحسين زود إو إيمــــــــان == همّه إو شجاعه حامل إو عالي الشان
من هاشم النبعه إو يجاري الفرسان == رايــة مجد مسلم رفعها إو عنوان
من حيدر مسلــم زوده == ثابت عزّه إو إصرار
وإحسين إختاره القايد == لازم بالكوفه إيجاهــد
وينك ياحامي الجار
ـــــ
مسلم وصل حامل كتاب الأصلاح == للناس من إبن النبي والحق لاح
وإجتمعت الأمّه إو صفت هالأرواح == والشر يداري خيبته إو راح إنزاح
والكُل بايع وإيسانــــد == مسلم ضد الأشــــــرار
وأرسل مسلم لحسينـه == أخباره إو يربي إبعينه
وينك ياحامي الجار
ــــــ
عنده القياده الناجحه موردهـــــــــا == صار الرمز لهل المعالي إو سيدها
وإبمسجد الكوفه غده رائدهـــــــــــا == والناس ذمّه إو كل شرف ما عدها
صارت تنقل أخبـــاره == بالكوفه إتوّج النـار
وإبن إزياد الشر عنده == للكوفه إتوّجه حقده
وينك ياحامي الجار
ـــــــ
والشر دخل للكوفه ذاك إبن إزياد == فاجـــــر لقيط إو ينهي مسلم راد
بالمال يشريها الضماير ما هــــــــاد == إرهاب بالسيف إو صلب عالأعواد
عافوا مسلم أعوانــــه == والشر بالكوفـــه دار
مسلم وحده إبهل حاله == وإرسوم الشر تبراله
وينك ياحامي الجار
ــــــ
خايف مشه إدروب المدينه إو بي نار == محّــــــد يدلّيــــــــه الدرب ياكرّار
لكن وﮔﻑ يم حُرمه إبباب الـــــــــدار == طوعه الوليّه الطاهره راد إو شار
رايد ماي أشرب وأرحل == مسلم آني إو محتار
ظليت إبوحدي إو حايـر == والشر بالكوفه داير
وينك ياحامي الجار
ــــــــ
أهلاً وسهلاً بيك يانور العيـــــــــن == إدخل لعد داري يبن عم إحسين
يامسلم الحاير بعد ماكو ديــــــــــــن == غدروك ذوله إو عالغدر متعودين
إدخل يابعد إعيونــــــي == تتشرّف بيك الـــــدار
وإدعي الباري إينجّينـه == من ذوله الباعوا دينه
وينك ياحامي الجار
ـــــ
نار الغضب أنزلها مثل الكـــــــرار == وإرجال شردت ما تواجه تنهار
لكن غدر غدروه مسلـــــــــــم مغوار == ﻳﺣﭼــي إبصلابه ما تهمّه الأخطار
نادى إحسين إبكل صوته == غدروني إو صار الصار
ما عدهم ذمّه إو غيــــره == ظليت إبوحدي إبحيـــره
وينك ياحامي الجار
ـــ
مسلم يعيش إبكل ﮔلب ما ننســــــــــاه == صوته إنطلق بالحق ينادي إسمعناه
باب الحوايج صار كلنه ننخـــــــــاه == إﮔصد إلَه إو ينطيك جوده إبيمناه
نوره إيعـــــــم كل زوّاره == يستقبلهـــــا الزوّار
ﻳﺑﮔﻪ إبكل حين إينـــــادي == حيدر والينه الفادي
وينك ياحامي الجار
ــــــــــــــــــــــــــــــــــــــــــــــــــ ـــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld6cz45495.mp3.html