[ابو معاد النجفي]

سفير الحسين ع



وحك رب العرش امره..وطوعه
وكلبك يالتحب علمه..وطوعه
وانظر حالته مسلم...وطوعه
وكفت مو مره ضد ال اميه

حميده تصيح بويه...سالمنه
اجفوف الغدر وسفه..سالمنه
علمت الخبر عودي..سالمنه
دم واصبح جتيل عالوطيه

ايام المـــــاردته تجي ...لاجت
ودمعتج ياحميده بعين..لاجت
البت لاابــــــوه بطلب..لاجت
يحير الابو شيقدم هديه

بهيــــــــــــــمه ولاذره بيه...حميده
ابوي اللي اسمعت باذني..حميده
تصيح ابصوت ياالوالي..حميده
اتركتني اشلون يابويه سبيه


اتركتني اشلـــون يابويه ..على الون
ولوني انخطف من لونه..على الون
ابدا ماعودت روحــــي ..على الون
زغيره وماشفت دمعات اليه

زغيره اتركتني ورحت ..لاوين
المصايب والبعد بالروح..لاوين
اون عليك طول العمر..لاوين
مثل ون الحمام بسكته اليه

همت يابويه واتنـــــطر .. لكم طار
ودليلي من الهظم ينحت..لكم طار
روحي والنفـــــــــس ولت..لكم طار
وبقه بس الجسد والبيه بيه

الامام علي الاكبر ع

-----------------
بدر من الهواشم افل..مالاح
وعسى سهم المنايا بيك..مالاح
الح يبــــــــــــــني وكلت ..مالاح
لجن ام وابنه اشلون بيه
ردتك ياعلــــــــــــي سلوه.. لهاماك
واشيل اهموم من عندك..لهاماك
فحصتك من رجل يبني..لهاماك
لكيت بكل شبر طعنات بيه
ضمــــيرك ياكـــمر هزك..ولاماك
انت الحضرت درعك...ولاماك
اعتنيت الوالد وكــتله..ولاماك
تودعه وداع بهل المسيه

سافات العمر يمشـــــــــي ..ويبني
وردت موتي بنفس لحده..ويبني
بعد مايفيد كل لطـــــمي..ويبني
على اللي راح مذبوح من اديه

للامام القاسم ع
------------
اخذ بيه الكــــــــــبر يبني...وهاني
وعلى دربي ابتدي امشي..وهاني
ردت جفي احنيـــــــــــــــه..وهاني
كلمن حاضر بذيج المسيه
الك جرح البقه للحين..ماشاف
ويريت اللي عنه بالسيف..ماشاف
الك شف وعرس بالكون..ماشاف
يظل طول العمر شاهد للبريه

يريت اللي بعرسك صدك.. حرماك
انتهك كل الحقوق انتهك..حرماك
كلت لا للعبيد وعشــــــــت..حر ماك
ومتت موته شريفه ابن الزجيه
الامام العباس ع
-------------

عين على الحسين وعين..عالماي
يوم السمع سكنه تصيح..عالماي
يكــــــــله لو دريتي ولفه ..عالماي
علكي بريغي وجودي سويه

زينب من دنت عباس ..رضاهه
بكلام وطيب بالجلمات..رضاهه
اضلوع اعداء يوم الهجم..رضاهه
وخله بكتر اشلاء اميه


بكثر ماتهم ياخويه..وهم بيك
جروحي اللي انزفت عندي..وهم بيك
ريت اللي كطع نحرك..وهم بيك
بجحيم وصقر نيرانه سريه

خادم اهل البيت

ابو علي السعيدي