[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

واويـــــــــــلاه يفاطمــــــــــــــه ( شــــور لأستشهاد الزهراء عليها السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
ﺗﺑﭽــي إﻋﻠﯾﭻ حتى السمه === واويـــــــلاه يفاطمــــــــــه
ـــــ
وصّه محمد بالشفيعه أم الحسن مولاتي
والناصبه نكروا وصيته إو ما هدت آهاتي
يجري يظل طول الدهر دمعي إو تصب عبراتي
لازم أشارك زينب الحرّه إو أطش حسراتي
إﺑﭽوا إوياه حامي الحمه === واويـــــــلاه يفاطمــــــــــه
ــــ
مهضومه ظلت فاطمه تجري الدمع ولهانه
والمرتضه إنصاب إبجرُح ينزف دِمَه بحزانه
وإحسين ﯾﺑﭽــي والحسن وإعيونهم سهرانه
والحرّه زينب بالمحن ﺗﺑﭽــي إو تون حيرانه
كُل مَنْ عال صابه العمه === واويـــــــلاه يفاطمــــــــــه
ـــــ
صوّب صدرها الطاهره باب الحزن وآذاها
يادفعة الباب اﻠﺑﮔت للدوم ما ننساها
عصرت صدر بنت النبي إو مهموم أصبح طه
كسرت ضلعها وإنكسر ضلع الهُدى ويّاها
والأملاك ﺗﺑﭽــي دِمَــــــــه === واويـــــــلاه يفاطمــــــــــه
ــــــ
عزّوا الأمام المنتظر ياشيعته بمصابه
شفنه المُصايب والمحن طوّل علينه إغيابه
ظلموها أمّك سيدي والبيت يشهد بابه
جدّك يبن حيدر علي تركوا وصيته أصحابه
والمرسول ﮔلبه إنرمـــــــه === واويـــــــلاه يفاطمــــــــــه
ــــــ
يوم الوداع إﺷﮔد صعب صوت الحسن ياذينه
وإحسين صوته باﻠﮔلب يرسم جروحه بينه
زينب جرحه ملتهب حيدر تشوفه عينه
والمرتضه دمعه يهل وإحنه نودّع جينه
والدلال صابــــــــــه الظمه === واويـــــــلاه يفاطمــــــــــه
ـــــ
نزلت ملائكة السمه تحضر وداع الزهره
وإتعزي حيدر بالدمع والحامي يلهب جمره
والهادي ينعه فاطمه وإجروح تملي صدره
وإحنه نعزيه الحسن وإحسين وإخته الحرّه
والأرواح نزفت دمَـــــــــه === واويـــــــلاه يفاطمــــــــــه
ــــــــــــــــــــــــــــــــــــــــــــــــــ ــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldmty25009.mp3.html