في ذكرى استشهاد الأمام علي بن ابي طالب (ع)
زهيريات .. في حب الأمام علي (ع)
قال الشاعر علي زيني نادبا الأمام علي (ع (
يافارس الخيل غوجك بالحرب حماي
مالوم وبضامري حامن دوه حماي
يامن لنار الحرايب لو خبتحماي
الصبر منّه تخردل ياعلي والرّب
والهضم ضرنه ولعد إگلوبنه والرّب
شنهو العذر ياعلي عند الخلايگ ورب
سماك حامي الحمه وتريد إلك حماي
* * *
وقال الحاج زاير متوسّلا الأمام علي (ع) :
يامن على گبته زين الورد ورّد
وكتاب فضلك على صدر النبي ورّد
ياريت چفك عطاشى كربلا ورّد
والخطة الكون لو طبيّت تحميها
نيران إله العرش لعداك تحميها
يابا الحسن جدمت بحماك تحميها
عن العسر واليسر يوم الحسب والرّد
* * *
وقال ايضا يندب الأمام علي (ع):
يمشيد الدين دهري الساعدي شدّه
والدنيا وي هالوكت صارت علي شدّه
تعلم إبجرح الگلب يابا الحس نشده
بحماك يامن الباري للفلك عاده الك
أموالي اليواليك ومعادي الذي عاده الك
دوم المحب بيك دنيه أو آخره عاده الك
واللي يندبك تحضره أبساعة الشدّه
* * *
يوم النّبي گال ياهو الرايتي شلها
وچفوف الأبطال يوم الزمجرهشلّها
واللي غريج إبحر ينخه علي إيشلها
جاه أرمد العين من ريجه النبي شافه
جيش الكفر ذل من حامي الحمه شافه
مرحب بالحروب ينعد بألف شافه
خلاه يلوج أبطبرته ولاواحد يشلها
* * *
وقال الملا عبد الحسن الكاظمي بحق الأمام علي (ع) وذريته :
يامن يلوذ إبذراكم ميتنا حينا
وباضرحتكم على طول الدهرحينا
نسعه ونطوف بدواوين المجد حينا
لمّن نحيي بكم عز وفخر زادنه
ويوم القيامه الولايه العالعهد زادنه
من حيث صك الشفاعة حيدره زادنه
يامرجع الدينيامن سمعتك عاليه
والجرح الأسلام بلسم منهجك عاليه
الوافد الگاصد حقوقه تنحفظ عاليه
وأنت حفضت العهد يامرجع أهل الحي
عونه التعنه الحيكم والنزله الحي
البت كاظم الغيظ حين الجاورتها حي
معصومه قم وأبوها الشرّفه الحينا
* * *
وقال الشاعر علي حسين التلال :
ليله وبها النور للكعبه يعادلها
بأشرف وليد لكرامتها يعادلها
وماغير سيفه لكل عوجه يعادلها
يكفيه محل الولاده ولاحصل ضربه
ويكفيه من الدين غيره ابسيرته ضربه
ويكفي يمينه لها بجسم الشرك ضربه
عبادة الثقلين بالضربه يعادلها
* * *
وقال الشاعر جابرالكاظمي بحق الأمام علي (ع) :
يا باني الدين ياسر الحچه والنها
وأبعلمك أوصارمك راح الشرك والنها
وظلت قريش بحقد منك تجر ونها
والراد بيك الغدر شافا لوكت لافته
تكفيك هالمكرمه ولكل نظر لافته
جبريل بيهه هتف لاصارم ولافته
بس ذو الفقاروعلي وأهل الشرك ونها
* * *
وقال الشاعر مهدي إخوان وفيه حرارة الفراق عن الأمام أمير المؤمنين (ع) ومدينة النجف :
ما چان هذا الأملعنك يحيدر نجف
وبّحر حبك ربينه وبجوارك نجف
وحتى الهوى ياعلي علينه بمرورهنجف
بهل الضيج تنخاك يارب السمه ياعلي
مدري الزمان أشوكت بالعاطفه ياعلي
ينخاك صوت المحب يا با الحسن ياعلي
عشاگك تريد وتقبّل إتراب النجف
* * *
وقال الشاعر محمد كريم الكعبي :
خيط الگلب للوصي ماتخلص اوشيعته
وروحي أبفخر هالخبر يم البشر شيعته
وجدمي إعله دربه سره ياعاذلي شيعته
شي من إعضاي إزحفت شي طارت أو شيعنه
أهوه آنه هذا الدرب شي بي تعب شيعنه
يم الخلگ لو گلت ليه الفخر شيعنه
وأفتخر أقره لعلي وأنحسب من شيعته
* * *
وقال الشاعر صباح العتابي بحق الأمام علي (ع):
شبعان كلبي عشك مايوم ابد ياعلي
لمن جنت بالرحم حب الوصي ياعلي
وماهمني حجي العدوان جانة نصة ياعلي
يخسر الينكر علي وشما كبر منصبة
ور ب الجلالة ولي بعد النبي منصبة
ولونار وادي سقر كلهة علي منصبة
النار تصبح ثلج بس لو صحت ياعلي
زهيريات .. في حب الأمام علي (ع)
العرض الشجري