[جعفر المندلاوي]

عنوان الإباء
=======

بقلمي جعفر ملا عبد المندلاوي

يا فرع نور الامامة == يا بدر ليلة تمامه
يا شفيع الشيعة في دار المقامة
** 1 **
يا علي الأكبر يعنوان الإباء = يا شبيه المصطفى والانبياء
يا ڰمر ثاني ويا نبع الوفاء = أنت من مجد الشرف ذروة سنامه
** 2 **
أنت من هاشم رمز للمكرمات = وأنت من بيت الهدى الغُّر الأباة
يلي ماثلت النبي بأكمل صفات= خلق وأخلاق ونفس منطق كلامه
** 3 **
يا عليّ چم مثلك بدنيا الوجود = مستحيل الدنيا مثلك هم تجود
وانت يل جدك عليّ أكرم جدود = وأنت بالميدان چن بيدك حُسامه
** 4 **
من عليّ الكرار وارث مفخرات = وارث الحمـزة شجاع العاديات
وأنت من حسين روحه من الحياة = وانت للإيثار والنجدة علامه
** 5 **
مثل حيدر بالمعارك ظل يصول = بالحرايب ما رجف لا ما يزول
من دم الأعداء سيفه ظل هطول = صبره حطّم مُلْك أُمية وهدّ نظامه
** 6 **
ليث ضاري من نزل بارض الطفوف = ما تهمه جموعهم رغم الالوف
سيفه بيده ويسقي أعداءه الحتوف = من رِفع سيفه الفضا أطبق ظلامه
** 7 **
جندل الأبطال فّــرّق بالجموع = سيفه يُقطر من دماء أهل الخنوع
چبده صاير جمرة ما يقبل رجوع = من يفر سيفه فلا تنشال هامه
** 8 **
من رجع للسبط يطلب قطره ماي = گله بيها اتقوه زايد يم عداي
فدوة الك يبني يبعد اهلي وضناي = تشرب بكوثر عليّ يوم القيامة
** 9 **
رَدْ على الأعداء انصار البغاة = گال بيتي مفخرة للمكرمات
واحنه بيت الله أولى بالصلاة = خَرَّس ألأصوات من نادى بكلامه
** 10 **
يا ألف وسفه على فخر الشباب = يا حسافة النور طايح عالتراب
چنة نسخة حيدرة بيوم الضراب = يشبه الحمزة بوگفته وكل عمامه
** 11 **
من بعد ساعة الدماء السايلات = تجري من جسمه على كل الفلاة
والحشا ظامي وسقط جنب الفرات = لحگته الآنصار وجموع النشامى
** 12 **
راح أبو السجاد يركض من بعيد = عالترب بالحر يشابگ هالشهيد
شاف جسمه موذر بحد الحديد = شال من دمه وشكى لله الظلامه
** 13 **
يا آلهي إن چان في هذا رضاك = خذ دمانا والصبر حتى لقاك
واحضنه المختار وگله يا هَناك = واروى چبده كاس سلسال بختامه
** 14 **
واليحبك يا عليّ لابد يفــوز = والشفاعة اتصير عبرة وهم نجوز
بيك يالأكبر على الكوثر نحوز = وأنت حبك يا عليّ فيه السلامه