[نجمة]

هلا وغلا بالامهات العزيزات انا سالفتي مع ابني في اول ابتدائي كل يوم بجي من المدرسه ومعاه شغله مو له مثل مسطره مو حقته او برايه او لعبه صغيره في البدايه اعصب عليه ليش تاخذ اغراض غيرك مايرد علي ولا في فايده يوم من الايام انتبهت ان اسلوبي معاه غلط استشرت مستشاره وقالت على اسلوب معين وتعاملت معاه والحمد لله نفع وجاب نتيجه والاسلوب هو ان اذا جى الولد من المدرسه تاخذين الشنطه وتقولين تعال انشوف شنو عطاك المدرس اليوم وبعدين اذا شفتي شي مو له قولي بشكل طبيعي يو هذا حق صاحبك صح بكره رجعو له عاجبك هالشي اذا عاجبك نشتري لك مثله واذا ماحصلنا نشتري احلى منه والله هالاسلوب جاب نتيجه حبيت اكتب هذا للفائده ان مو كل شي يجي بالشده وسلامتكم