[امير العراقي22]

اتمنى الاخوة والاخوات العرب بان يتقنو اللهجة العراقية

نصيحة الى الشاب الاعزب بان لا يفكرو بالزواج
والى يفكر هذا مصيرة


فرحان الولد بحنتة الليلة ما يدري اليعرس ينهدم حيلة
فرحان الولد ما يدري بالموضوع فرحك هذا كلة يدوم بس اسبوع
اذا تضرب ايامك يطلع المجموع للدكتور رايح دوم تشكيلة

المراه عند بيت اهلها تكول طركاعة اذا تمسح البيت اتشلع بكاعة
وعندك هسة تهبط كل ربع ساعة وياهو الي تلزمة تكوم تحجيلة

المراه عند اهلها تفجر اتفجر بس اسبوع عندك تبقه اتخنجر
اذا تمشي بالشارع راسن اتبنجر وتطلع عاطلة الحلوة الكحيلة

فرحان الولد هسه كاعد ويضحك خايب من تعرس ينكسر جنحك
لا تسال حكيم امجرب ينصحك ولك بطل العرس سويلة تعديلة

طير بلا زواج اتطير اي بلاد بالبصرة انتة يوم ويوم في بغداد
خايب بالعرس كل ساعة الك تعداد يزحفونك يخايب لو غبت ليلة

فرحان اليعرس حس باله بس جكليت صار العرس جيش ولا يغرك صيت
اذا باليل مرة تاخرت عالبيت يا ويلة الي يرحمك الف يا ويلة

لحد هنا والقصة كلش زين البلوة للي عنده طفل لو طفلين
تظل بيدك يخايب تغسل امواعين عذرهن الطفل يبجي ومحد يشيلة

واذا مرتك مريضة البيت شينظفة كلتلك لا تعرس هذا متعرفة
اذا مو الهولل تكنسة تكنس الغرفة
لك منهن تصير بس يرادلك شيلة
لك منهن تصير بس يرادلك شيلة

وعذرا للمشرفين لللاخوان الاعضاء

تحياتي امير العراقي