الحلقة الوسطية هم المعمممين وكلاء المراجع وليس المقلدين..
اقتباس :
ارى من اقوى الاسباب .. التهاء الاهل بتدريس ابنائهم المناهج الدراسية وفيها مثل ما نعرف مناهج لأهل العامة فابكتسابها وعدم التدعيم من جهة اخرى لعقيدة اهل البيت سبب اول تراجع
و اغلب الشباب يبحث عن الترفيهـ والوناسة ومثل ما قلت النظرة الخاطئة التي كانت للمتدينين .. والطريف ان هالفكرة شبه اختفت .. فقبل عدة سنوات لو الشباب رأوا احد المتدينين يدخن او يشرب شيشة او انه يلبس بدله ( كون اهل الخليج لباساهم الثوب) فيتعجبون ويقولون (مطوّع) وتسوي هالشي ؟؟
اما الان صار وعي اكثر ان التدين مو تشدد واعتكاف
واكتساب الثقافة الدينية من اقوى مصادرها هو المنبر الحسيني
وعدم تعويد الصغير على هذه المجالس وإذا قلنا ليش ما تجيب اولادك او اخوتك الصغار يقول لساتهم جهال !! .. فيكبر وهو بعيد عنها وفقط يذهب لها في اوقات المناسبات بينما مجالس الحسين مفتوحة في كل وقت لا تقتصر على ايام الموالد والوفيات
ومن ناحية السياسة الفكرة الاجتماعية للسياسة هو معارضة حكومة او بالاساس شي مخالف فطبيعي نجد الكثيرين ممن يريدون السلامة والبعد عن المشاكل الابتعاد عن هذه السياسة بينما السياسة لم تقتصر على ذلكـ
الجهل طبعآ .. وادعاء العلم والمعرفة واغلبهم ااصحاب منظر ولسان محسوب على اهل الدين
وانا حبيت لو يكون التنبيه من صاحب الاختصاص نفسه بقوة شخصيته ومواجهته لهمـ .. يعطيهم تهزيئة محترمة حتى يعرفون يتناقشون مع من وفي ماذا :p
معك في كلامك اختي
لكني ابتعد عن النقاش لهذا السبب .. اذا كنت في محضر العلماء .. استفسر واتلقى منهم
اما اذا كنت في مجلس الشباب فاحيانا ماشاء الله يحلو النقاش مع الشباب المثقف الواعي المحب للمعرفة
اما الفئة الثانية من الشباب مدّعية المعرفة
كأقرب موقف قبل فترة
يتناقشون .. بل كلمة (يتعايون-أي هدرة فاضية هدرة مقدرةههه ) وهدرتهم طبعا ماليها هدف
وكل واحد يتكلم في شي بس لأنه يبغى يتكلم وطبعا في هالجلسات اختي اعرفي مافيه محور للنقاش كل واحد يتكلم في صوب عن شي والصراخ مرتفع وانا قاعد اسمع واحيانا اطلع جوالي اشبك مسنجر :p
من ضمن بعض الكلام عن تحريم حلق اللحية
احدهم يقول عادي حلقها .. قلت له انزين الشرع يقول لك حرام !! وارجع لمرجعكـ شوف شيقول
يقول بس عادي !!
قلت له انت هالشكل تستصغر الذنب ويمكن منه فقط يكون الدخول للنآر والعقاب على هذا الاستصغار
ففي بعض الاقوال ان حالق اللحية من عظم أمرها لا تقبل شهادته
قال هذاك واحد حالق لحيته وراح المحكمة وشهد وقبلوها
قلت له الي يحكم عالم فاهم ؟ وإلا كل من لبس عمامه كان يستحقها ؟
ويبدأ التماطل منهم وبعدها هدوء في المجلس !!
ففي هذي الجلسة كان واحد من الشباب يحاول يقنعهم ويفهمهم لكن مو عارف يدخل لهم بمدخل يستوعبوه
ولأني في الغالب كذلك بكون مثل حال هالرجال مهما تكلمت ما راح يدخلون الكلام في راسهم لأنهم من نوع الي يعتقد انه الوحيد الفاهم العاقل
وهذي حال اغلب الشباب للأسف
ومعذرة طولنآ :p
بصراحة ولافي احلى من هل كلام وهو نابع عن ثقافة مبنية على اسس سليمة اسأل الله لك التوفيق بحق العترة الطاهرة وان تنال في الدنيا زيارتهم وفي الآخرة شفاعتهم..
واتمنى من باقي الأخوة التواصل معنا لمعرفة آرائهم ..
واسلموا لي
أُختكم
العرض الشجري