[شبيه]

الالفيه


الف. وليف الروح سيد الحبايب


من عشرته شفت العنا والمصايب


لاهو مداويني ولاني بـ طايب


عز اللهاني شايفً منه لوعات



البا. بقلبي للحبيب محبة


مهما يعذبني وينسىالمحبة


الحبمايوجد مع الناس طبه


لو هو يداوى كان دورت دويات



التا. تولع خاطري بالجميلة


الليبسهم العين تذبح قبيلة


كم واحد قبلي شكا من خليلة


وانا شكيت اللي عيونهوسيعات



الثا. ثمانه يوم فيها تبسم


الق حويان اللي من الوسم وسّم


انا اشهد انالزين يومه يقسم


اخذ حبيبي قسمته عشر مرات



الجيم. جاوبت الحمامة بنوحي


ياليتزين العين يبصر ويوحي

ويشوف قلبي من فراقه يفوحي




فوح الدلال اللي على النار مركات



الحا. حذفني هافي الوسط مره


رمحه سطا بي شفت منه المضرة

انا اشهد انفرقاك يازين مره




ولا ماك هي طب القلوب العليلات



الخا. خليلي خلّ قلبي وخلانِ


خلانياقنب كني الذيب سرحان

انا اشهد اني في هوى الزين حيران




مافي يدي الا قولة(ن) ياحلولات



الدال. داويت الجروح العطيبه


ماتنتداوى والمحبة مصيبه


ترى الهوى ماهوبيبرى صويبه


عزي لكم ياهل القلوب الصويبات



الذال. ذالي عنك يازين مده


قامت تزايدبالضمير المودة

المهتوي ماكل شيٍ(ن) يرده




حتيش لو دونه دروب(ن) صعيبات



الراء. رماني هافي الوسط بالعين


الله حسيبة كيف ياقف ويرمين


يذبح بسهم العينوبلى قوانين


ياما ذبح من دون ذنب وخطيات



الزا. زريف الطول زين الحلايا


به منبنات الحور لون و تهايا


بالخد والمبسم وحمر الشفايا


ومبيسم(ن) يزها ثمان(ن) رهيفات



السين. سلهم يوم شفته بغفله


يرم المولع واحدٍ ماوقفله


والله فلاادري كيف قر الهدف له


حتى ركز قلبي على راس مبرات



الشين .. شبّت في ضميري لهايب


شبّتبقلبي نار وانت السبايب


ارحم رحمك الله ترى القلب ذايب


يابو العيون اللي هدبها ضليلات



الصاد. صوبني ضبي الحمادي


اللي هواها ساكن(ن) في فؤادي

انا اشهد انالزين غاية مرادي




مالي بغيره شف لو هن كثيرات



الظاد. ظنه كان هو مثل ضني


فانا سعيدوبالحياة متهني

يالله لاتجعل حياتي تمني




يارب سهل لي دروب(ن) عسيرات



الطا. طلبت الله يجلا همومي


واسعد ولا ابقى بالحياة محرومي


لعل حظي منمنامة يقومي


واسعد بشوف الزين واجلا الحسوفات



الضا. ضميري صار كله حراقة


واسبابهالمجمول طول فراقه


ماعاد لي بالصبر يازين طاقة


اسهر واطوّح تالي الليل ونات



العين.علمتك وهاذي علومي


ياسيد روحي صرت منك محرومي

عليك قلبي بينالاضلاع يومي




مثل العلم تومي به رياح صلفات



الغين. غليتنِ وزادت غلولي


خليتنييازين كني مهبولي


انا جريح القلب مير افطنولي


قبل يتبين لي مع الناس خلات



الفا. فؤادي من هوى الزين ذابي


ليتك يانور العين تسمع عتابي

وتشوف حاليبالعنا والعذابي




دايم عيوني من فراقك حزينات



القاف... قلبي مايبي غير خلي


يانورعيني يابعد كل من لي

خليت دمعي فوق خدي يهلي




خليتني بهم(ن) وغم(ن) وحسرات



الكاف. كنيت الخبر عن عدوي


ياروح روح الروح انا وش اسوي


حبك على القلبالجريح متلوي


لك بالحشا يانور عيني محلات



اللام. ليتك ياحبيبي قبالي


مانيبعنكم ياهى البال سالي

اشغلت قلبي ياحسين الدلالي




بخدود حمر وبالعيون الكحيلات



النون. نورك مثل بدر التمامي


عذبت قلبي ياظبي العدامي


اسهر وكل(ن) فيمنامة ينامي


ودموع عيني فوق الاوجان سافات



الواو. ياويلي على شوف خلي


ياما سهرتالليل محد(ن) فطن لي


افداه في حالي ومالي وكلي


ولو اني باسبابه تعرضت لافات



الها. هواي الزين ظبي العدامي


سميّها بين اللحم والعظامي

ينبت بالارضاللي سقاها الغمامي




سبحان من يخرج من الحي ميتات



اليا. ياربي تجمع الشمل فيها


تسترعليها يالولي وتحميها


يارب تسخرها لنا وتهديها


والخاتمة لك ياحبيبي تحيات



الشاعر فهد العلوش