[وجدي الجاف]

زينب وما أدراك ما زينب
إنها بطلة كربلاء ومكملة الثورة الحسينية
التي أحيت الدين المحمدي وأماتت البدعة الاموية
إنها مثال الشجاعة والصبر والعفة والكرامة
لذلك وكشيء بسيط في حقها أقدم هذه القصيدة
بمناسبة استشهادها .. ( بين الفصيح والعامّي )
ونسألكم الدعاء

تلكَ زينب - قد قضت بالأعبارْ
تلكَ زينب - احزنــــتها الأقدارْ
خاطرهه انكسر - من ضيم الدهر - شافت القهر
والحزنِ والنار

أمّ النـايـبــــة تـــوصـفهــــه هــلـــوادم
وبعــد امّ الحــزن يــوصفـهه كـل عـالم
ويّـاهـه الـــدهــر أصبـح حــــرب ظـالم
وابــــد مـنّـه كـلـبـهـه ما طلـع سـالـــم
تكـــول آنــه الـمـصـابي يهـضم ويـالم
وعــليّــــه هالوكت جار وشهر صـارم
ما فعلتُ - إذ رأيتُ الأكدارْ
ما فعـلتُ - لِدهريّ الغـــدّارْ
راواني الكدر - من ضيم الدهر - شافت القهر
والحزنِ والنار

أول نــايــبـة كلبي صفـــه عــلـيـهـــه
مـصيـبـة جــدي الــدامــت مـآسيهـــه
وبعــد عـنـدي ضلـع أمّي اليــأذيهــــه
وبسمــار الهـضـم لـمّــن نبت بيهــــه
ووكعـــة مـحسـن الصارت تون ليهـه
ولــســـه آنه بهضم أذكر بــواجيــهـه
هُدَّ عزمي - لمّا قـضى المختارْ
هُدَّ عزمي - للضلـع ِوالمسمارْ
صارت هالصور - من ضيم الدهر - شافت القهر
والحزن ِ والنار

ولـمّـــن مـاتـت الــزهـرة وكـثـر ونّــي
وبـعدني ما هــجــع كلبي الحِــزَن لنّـي
شفت طبرة أبويه وهــضمـه دولـبـنـي
عفاني شلون اسمعت ونّــه الـيــألـمّني
وشفــت وجهه تحوّل مــصـفــر وجنّي
مــيْتـــه ولا ابــويـــه يـنـفـكــــد مــنّي
صاحَ قلبي - بالــحزن ِيـا كـرارْ
صاحَ قلبي - ماذا تُبقي في الدارْ
بس لوعة وسهر - من ضيم الدهر - شافت القهر
والحزن ِوالنار

وعكب حيدر اخويه المجتبى الظـلــمـوه
جوع سمّ الأعادي وخاطري كــســــروه
وشفت جبده انمرد وسط الطشت خلـّوه
وظلّ ايعالج بجـــبـده الـــذي صــابـــوه
وشفت نعشه بسـهــام الـنايبه يـــرموه
ويــم جـــدّه الأعــادي ينـــدفــن منعوه
نورُ عيني - قد كان في المغوار
نورُ عيني - قد غاب في الانظار
المجتبى انغدر - من ضيم الدهر - شافت القهر
والحزن ِوالنار

ومصاب اللي ضهدني شفت ابو اليمّه
بــــالطــف مـنذبــح ويـلي ويـكت دمه
وجفيلي كطعوا اجفوفه وولوا جسـمه
والاكــبــــر الكــام حــسيــن يـشـتمّـه
وجـاسـم طــفـّوا شـمــوعه بكلب أمه
وعبــد الله إجـــه سـهــم الغـدر ضمّه
يا رضيعاً - فــطمـتـهُ الأشــرار
يا رضيعاً - في قتلكَ نالوا العار
كطعولك نحر - من ضيم الدهر - شافت القهر
والحزن ِوالنار

وعكب أرض الطفوف أمشيت مسبيه
ورحـــت للكــوفـــه والجافل كطع بيّه
وللشــام ادخــلت وعـيــونـي اربـيّــه
وشـــوف اهـــل الـشـماته تنظر عليه
وبــعـــد هــالـنـايـبات اللي صفت ليّه
كضيت بحسرتي وكلبي انخطف ضيّه
فارقتني - روحي يا أهل الثار
فارقتني - لـتــشكــو للـجـبار
تشكيله الصِدَر - من ضيم الدهر - شافت القهر
والحزن ِوالنار