[ربيبة الزهـراء]

اليوم الفرحه للسجاد .... كل الناس اهنيهه
مبروك والف مبروك .... للأمه واهاليهه
.................................................. .......
علي السجاد ميلاده .... صوت من السمه ناده
صار اليوم كله افراح .... وتناثر بأوراده

فرحه واحله من فرحه
غدت لصدور منشرحه
شيعي وافرح بهاليوم
الك فرحه اوديهه
.................................................. .......


ابن حسين ابو الاحرار .... جده المصطفى المختار
فخر عمه الگمر عباس .... بيهم شعت الانوار

سفينتهم نجاة اتصير
تمشي وبالمحب اتسير
علنّه افراح للسجاد
نور ايشع بساميهه
.................................................. ...........
من ايهل شهر شعبان .... گلبي اتغادره الاحزان
بميلاد الوفه بهاليوم .... صاروا للمحب عنوان

گلبي الليله هنـــاني
راحت مني احزاني
طشيت الفرح بالكون
كل الناس اهنيهه


............................................

چم روح التهيم اليوم.... حب العتره خلاهه
ترسم بالوفه الاشواگ .... حته الباري هناهه

افدي الروح وعيوني
مهما الناس لاموني
والله لعترة الرحمن
فدوه الروح اضحيهه
.................................................. .................



زيّد فرحتي بهاليوم.... ميلاد الگمر عباس
ضجت بالفرح دنياي .... نور يعطر الأنفاس

كل الدنيه فرحانه
بهذا اليوم ويانه
وبحبهم علگنه اشموع
ضوينه الدرب بيهه

.................................................. ...............

نتگاود گلب وأفراح .... أيد بأيد ومشينه
ومنظل الدرب هيهات.... يشهد بيهه بارينه

چن حبهم سفينه نوح
وبعطر الجنان يفوح
فاز اليفرح بهاليوم
للعتره ويوافيهه