[ابو ظاهر البركي !]

((حلم عراقي))

علوتر صرت أضرب برقه وهمس
وعلوتر صرت احط ايدي وأحلى رناته احس

وكام يعرضلي شعوري بصوره حلوه
وكام يحجيلي سوالف مرت ويانه أمس

وكام يرسم صوره روعه صورة لأطفال المدينه
لمن يلعبون والضحكه الجميله عالضرس

وبيني مابينه سوالف طالت الحد الصبح
من الصبح طلعت شمسنه تبارك بأحلى عرس

عرس مابين احلى شجره وبين كاع المايمر بيه الملح
كاع تتمنه اليمره وبيهه نخله تنغرس

النخله تكبر من اقل ماي اليجيهه حتى لو ماي النضح
ويكبر وياهه الكرم وتكره اطباع النحس

رجفت ايدي ولني اضغط علوتر حيل والح
صاح أه وجنه تطلع روحه وتموت النفس

صاح ضرباتك جوني وجنك تريد انذبح
ذكرتني بذبح اهلنه بيد ألأرهاب النجس

خاف مني ,وخفت صوته, وجان يتصورني منهم
ومادره خنجر خيانه البلظهر جاني ترس
ومادره خنجر خيانه البلظهر جاني ترس



خادمكم
أبو ظاهر البركي