[الباحث عادل الايهم]

اقتباس : المشاركة الأصلية كتبت بواسطة زيد السلامي [ مشاهدة المشاركة ]

هذه القصيده اخر ما كتبت اتمنى ان تنال استحسانكم بقصايد خــــايفه لاتــكتب اسم حسين ** للقمه شيوصل رجــــل مــــــجهوله صدر حـــسين بابه الماتقفله الريــــح ** جاي اتريـــــد اكتبه بـــورقه مقفوله بــــجيش الافترا حلكك بــــرتبة زور** بمعركـــــــة الحجي يانصر التنوله الحلك المــــفتري بي نلكه نص لسان ** وتحت سن الصدك كل حجي اليكوله طـــعن ستر الجمـــال وحلف بالقرآن** على الشامـــــه العفيفه يكول فالوله ثلثين الالــم عالـــجرح يـــــطلع كون** لان بيــــــن الجرح والالم جم خوله مالوم الحـجي وباللسن ادري الصوج** الراعي البي ذنب مــــالوم ماصوله طعم السمع ماصــخ ادري من اسنين** الملــــــح البلقصايد ذمتــــه مشكوله لأهل بيت الــشعر ما بقت حرمة بيت** اثاث الـــبيت صورة وصفت منقوله الشاعر كون يــــهتم بـــــحلات البيت ** كبل بيته الــــحلو ليـــــــحظر اللوله صــــح لوحــات اكو وشكثر رسامين ** رسموا لــــــكن بــــــــألوان مشلوله فقر دم الشعر يبس حـــروف الـــبيت ** بمكان الورد زرعوا كل حرف جوله وانا ساتر دفو جي اكتب اعله حسـين** جيوش البرد يـــمي اطيح مــــذهوله انا طولي الهوى ولـــهذا زحمه وياي** اوكف ضد شخص جرت نفس طوله شكل للشعر بـــاجر كون ندي اتصير** انا هوسة عراضـــــه وانت هلهوله ما تـــعطش ورقتي يا امير المــــاي ** وحشه لــــمحبرة اميه اتصير مذلوله الكتب لحسين امام الورد كون يصير** امام الورد كفره اتــــــقوده عــاكوله حسين يريد نرسم كربله بــــكل بيت** وعلى طول القصيــده انحور مشتوله ومــــا نوأد قصيده خشية الـــجمهور** وشيـــطان الاعد منصدك اللي يكوله ابــــو كعد الرعيع يظل عبد للــموج** وبلسان الــــــعبد ندري الــنعم سوله انظـــــر كربله مورمل بحر سـيوف ** بلائه حسين ذلــــهه ولائه اســـطوله حسين يريدنه نــــخسر سباق الخوف** ولا نــــــنزل لوادي المرتبه الاوله واذا خيـــــول النقد داسن بصر البيت** الضد صدر الحسين اشفادت خيوله بصلب نحرالقصيده كون بس ثورات** نحر ثورات يـــــــرسم ما يكدروله حسين يريـد منصفك مثل عبــــــاس ** بمرادم الــروس اعدا يـصفكوله

اللهم صل على محمد وال محمد وعجل فرجهم واهلك عدوهم

بدءا نعزى العالم الاسلامى واياكم ( اخى الكريم ) بذكرى ليالي شهادة مولانا الامام علي بن ابي طالب عليه السلام التام ) ونسال الله ان يرزقكم وايانا فى الدنيا كرامته وفى الاخرة شفاعته
..... قصيدتكم الغرّاء ... رائعة القدر ... ولها مذاق نجفي متقدم .. موفق ومسدد اخى الكريم وربي يحفظكم بحق محمد وال محمد
..... اخى الكريم لي طلب ( اذا زرتم مولانا الامام علي عليه السلام بتلك الليلتين فلا تنسونا بالدعاء فنحن بحاجة الى الدعاء )

..... حفظكم الله دوما
الاخ العراقي الواسطى المنبع
عادل
خادمكم
نسالكم الدعاء