[زكي الياسري]

ثوابها الى اموات القراء الكرام
و اموات شيعة امير المؤمنين
من لا ذاكر لهم يذكرهم
واسألكم الدعاء

بالمدامع .. خلـــصن كل ساعات اسنينه
بالمدامع .. و الآهـــات وجـمر ونـــينه
زينُ العباد ِ .. يا ربــاه
صار ينادي .. وا ويلاه
**1**
ركن دوحة عقــــيدتنه ... ابن سبط النبــي الهادي
فخر غالب شمس هاشم ... يا للفاجعه ينــــــادي
يصيح ابمنطق الدمعه ... الم دلالي مو عـــــادي
الكلب هذا وشجون البيه ... شيطفي جمره بفادي
كلبي شاهَد ... لوعات الطف لوعه بلوعه
كلبي شاهَد ... دمعـــــات العمه المفجوعه
بين الاعادي .. واغوثاه
صار ينادي .. وا ويلاه
**2**
شلون امصاب صوبني ... وشـكَد كلبي شال اهموم
ابن ياسين والقــــرآن ... امام و عادل و معصوم !
الدهر بيه صدر امره ... عجيب اشظلمه هلمرسوم؟
يا لحظة هظم انسـه ... يا ســاعة الم يا يوم ؟
دمعه دمعه ... بعيوني يلهب جاريهه
دمعه دمعه ... بالام الطف ما ناسيهه
ذابَ فؤادي .. يا ابتاه
صار ينادي .. وا ويلاه
**3**
حقيقة صبر الحمـــــلته ... ما يحمـــلهه كل صابر
حزن يعكَوب كل عمره .. ودره بيوسف يرد باجر
وانه ابلا امل حــــــزني .. آنه ابلا امــــــــل ناطر
حبيبي الغاب ما يرجع ... شلون اسلاه انه حاير
بالعواسل ... نحر الوالد دمه الجاري
بالعواسل ... شبت يا هـــلوادم ناري
طالَ سهادي .. حُــسيناه
صار ينادي .. وا ويــلاه
**4**
الهدم حيلي واخذ مني ... كل لحظة ثغر باسم
من شفت الطفل مذبوح ... عطشان بسهم غاشم
ومن شفت الابو علكاع ... مذبوح بنصل ظالم
وجفين الكمر عباس ... والاكبر جنب جاسم
والفجيعه ... فوك الهزل كـــل عماتي
والفجيعه ... محبوسه ابصدري آهاتي
بين الاعادي ... ال الله
صار ينادي ... وا ويلاه
**5**
شفت لواعت لو صبت .. على الجلمود يتـــفطر
بين العله واللـــــوعه ... كضيت ايامي اتضور
شفت زينب عله الناكَه ... سبيه بحر هذاك البر
بضعة فاطمه الزهره ... هــــاي مـخدرة حيدر
مكيديهه ... وانه ابلا حول ولا قوه
مكيديهه ... بس للباري ارفعت الشكوه
قم يا عمادي .. عباساه
صار ينادي .. وا ويلاه
**6**
يا عمي الحسن مثــلك .. مثـلك تممــــت عهدي
واسيت الوصي الكرار .. وابوك المصطفى جدي
الوليـــــد المزكَ القران .. مو عجبة يسم جبدي
معاني وجوهر القرآن ... كلهه اتجمعت عندي
صوبوهه ... من صابوني كل آياته
صوبوهه .. اية تطهيــره ومشكاته
اهل العنادِ ... وا ثاراه
صار ينادي .. وا ويلاه

زكي اليــ النجفي ــاسري
2/1/2009
كيل