[** مسلمة سنية **]

السلام عليكم و رحمة الله و بركاته

شلونكم يا جماعة ؟؟ ان شالله كل اموركم تمام

هاد الموضوع كنت كتبتو رد على موضوع الأخ الفاضل اللي بيحب الخير و بيحاول جاهد انو يرشد الأزواج على أفضل طرق التواصل في الحياة ... طبعا جهد تشكر عليه أخ فلان ...

و هاد هو الرابط للموضوع الطيّب طيبة صاحبه :

http://www.ishiaa.com/vb/showthread.php?t=85634

و طبعا لأنو نحنا كمان بنات حوا بنحب الخير كمان ... فبرضو رح نقدّم نفس النصائح في موضوع مستقل ... و هذا على إثر نصيحة من أخت فاضلة طيّبة تحبّ الخير للجميع :cool:

أفضل الطرق لرفع ضغط الزوج
:mad:
1.
لمّا يحاول يختلس النظر لمجلتك النسائية ... افتحي على صورة أغلى فستان في المجلة ... و احكي لو بصيغة الأمر : هاد الفستان بدي اياه هدية بعيد ميلادي اللي بعد يومين...

رح يحرّم يختلس النظر على أي من مجلّاتك :cool:

2.

بعد أن ينهي مكالمته ذات الصوت الخافت ... تجاهليه ... ثمّ ببراءة مستفيضة افتحي على فيلم أجنبي ... و قولي عن بطل الفيلم : واو شو شخصية !!!

3.

بعد أن أمضى ساعة في الشياكة لمشوار البقالة ... أصري و ألحي عليه في الليلة التالية انو يعزمك على مطعم
بس تطلعوا من المطعم ... احكي بجدية : الحمد لله ما صدقت و نحنا نطلع ... رح يحكي ليش : ما انبسطتي يا زوجتي العزيزة ... ردّي بطريقة لامبالية : لا بس كان في شب بالمطعم قتل حالو زمان و هو يطلبني للزواج و انا ما رضيت واخترتك انت يا زوجي العزيز ...

4.
لمّا يكرر جملته المعتادة :
"انا متأكد أن الله راح يهديكي و راح تخطبي لي وحدة يوم من الأيام".

ردّي بفرحة : يا زوجي العزيز .. و أنا بهداك اليوم لمّا افرح بيك و تيجي ضرتي العزيزة تشيل عني المشاغل و الهم ... و انا انتبه لحالي و مستقبلي <<< لطشتها من مريم محمد في ردها على موضوع خادم

5.
لمّا يغلط و يناديك باسم وحدة بتكرهيها ... ردّي بسخرية : مين قصدك هديك الحولة !!!
رح يحكي لك : لا مو حولة
هون ردّي بجدية أوي أوي: ليش حضرتك شو بيعرفك ؟؟ لتكون بتطلّع ع النسوان :mad:...

6.

عند محاولته التطفّل على مكالماتك مع صديقاتك و اسئلته المستفزة ...
أجيبيه بهدوء : كانت بتحكي عن زوجها ( أو خطيبها أو أي حد خيالي )... انو كل يوم بيشتريلها هدية ... و بعيد ميلادها السنة اشترالها طقم ماس ... و قبل سنة كتب الفيلا باسمها .. و مع انو عندها سيارة آخر موديل ... لكن زوجها مصر يشتريلها سيارة موديل السنة الجاية نو BMW اللون الأسود متل اللي أنا بحب ...
و بعد هيك اختمي كلامك بتنهيدة و صوت حزين : بس انا يا زوجي العزيز خبرتها انو انا زوجي بالدنيا ... بدون ما يجيب شي ...
و سيبيه و قومي بحزن شديد و خطوات بطيئة

7.
ما تستنيه يتظاهر بالنوم ... نامي انت يا حياتي ... عليك شغل بكرا ... و خليه يحلم ... خطيّ حتى من الأحلام بدنا نمنعهم <<< حرام حرام ... اشي و منو ... نحنا كريمات

8.
ازا كنت معصبة و على أحر ما عندك و هو بارد جدا ... حضري لو ليستا طويلة بمتطلبات عاوزتيهم ... و من محلات مختلفة و بعيدة عن بعض ... روحي عليه بثقة بنفسك و انت على نفس الوتيرة من العصبية ... و احكي : بدي هاي الطلبات هلّا :mad: <<< رح يرتفع ضغطو على طول :cool:

9.
بعد هديته الجميلة لك بفستان أصغر من مقاسك ... تاني يوم اعملي طبخة تكون بدها ملعقة ملح وحدة ... حطي عليها 12 ملعقة ... طبعا بعد ما تكوني شلتي حصتك و أكلتيها ... و ازا حكى لك تعالي كلي معي يا زوجتي العزيزة ... احكي لو بعمل ريجيم علشان الفستان اللي جبتو هدية يجي علي يا زوجي العزيز ...
و اتركيه بالهنا على ألبو

10.

لمّا يجيه تلفون و يعمل مرتبك و بعد هيك يقرر يغلق الهاتف و ما يرد ... سألتيه : مين اللي ع التليفون ... رد : واحد ما بتعرفيه ...

اضحكي كأنها نكتة ... و اضربي ايديك ببعض من كتر ما انت مبسوطة ع النكتة .. و احكي : فكرتهم عشرة مو واحد ... و كرري >>> هههههههه ...

يا معشر الرجال ... أما سمعتم قوله تعالى :

<< إنّ كيدكنّ عظيم >>

فالحذر الحذر من كيد حواء يا آدم