ثوابها الى امواتكم و اموات شيعة امير المؤمنين المنسيين
و اسألكم الدعاء
ويلاه ... علنايبات .. ويلاه .. تبجي الصلاة
1
بغيبــــــتك يا طه ظلموا فـــاطمه
وانغصب حق علي حماي الحمه
و الحسن بســـــــــهام احقاد انرمه
نعشه و حسيــــن انذبح يم الفرات
ويلاه ... علنايبات .. ويلاه .. تبجي الصلاة
2
يا نبي الرحمه برحيلك فاطمه
عاشت الآم و مصايب قاصمه
نار حقد ابـــّاب بنتك مضرَمه
ما حلت بعــدك لعيناهه الحياة
ويلاه ... علنايبات .. ويلاه .. تبجي الصلاة
3
يا نبي الاسلام هدموا خطتك
يا نبي الاسلام هضموا بضعتك
يا نبي الاسلام عادوا عترتك
ماكو عكبك غير بس النايبات
ويلاه ... علنايبات .. ويلاه .. تبجي الصلاة
4
يا نبي الاسلام في حجت الوداع
كلت ابو حسين السفينتكم شراع
و الصحابه الباركت نزعت قناع
بعد موتك طلعت اوجــــوه الجناة
ويلاه ... علنايبات .. ويلاه .. تبجي الصلاة
5
ويلي طاح العلم من يوم الرحت
ويلي ناح الكون و اندار الوكت
و ابتهج طاغوت فرحان الجبت
و انهدم بوداعك اوذان الصلاة
ويلاه ... علنايبات .. ويلاه .. تبجي الصلاة
6
ويلي راح الجان عامود الزمن
و ابتهج ابليس و الفرحه علن
ترجم افراحه ابظلم ام الحسن
و الحطب شاهد على باب التقاة
ويلاه .. تبجي الصلاة
العرض الشجري