[*علي الأكبر*]

عفوا خل أعزم روحي على الرد على مريم :p
تقولين شنو الصالح من النقاش!
من صالح المجتمع أنه نغير مسار التفكير المحدود و اللي يوصف صاحبه بانه ما ينظر الى ابعد من أنفه في بعض المسائل
و نرجع الى امور محلله في زمن كان من الصعب الزواج باكثر من واحده
فكيف بزمن فيه استطاعة مادية و وجود اسباب مقنعة

طبعا بوجود اسباب يا اخوان يكون هالزواج

فاذا وُجِدَ السبب بطل العجب و ما اعتقد انه رب العالمين كان ليحلل شيئا فيه ضرر للمرأة أو للرجل أو للمجتمع و ارجع و أقول كل شي بالعقل و كل شي له سبب

مو مثل هذاك تزوج ثنتين ليلة وحده :s يعني بو الشباب صاير مثل اللي يبي يجمع طوابع :p

لكن لو كان مثلا ما عنده عيال بس يحب الاولى حب جنووووني
شنو يسوي يروح يتبنى مثلا:eek:
او يتزوج بالسر و يظلم بنت الناس و تروح سمعتها و سمعته معاها

لازم نتقبل هالشي اللي تسمونه ضرر لتفادي ضرر اكبر
و احنا اللي خليناه ضرر اتمنى الالتفات لهذا الشي

أنقل لكم هذا الرأي لأحدى نساء العائلة :p

اقتباس :

خليه يتزوج اذا كان له سبب لكن هي في وادي و انا بوادي يعني انه ما يصير في أي نوع من أنواع الاحتكاك بيني و بينها عشان اهو و عياله يسلمون من شرنا احنا الثنتين :p

سألوني لو أراد زوج أختك أن يأتي بضرة فوق راسها هل تقبل!
اقول على حسب الموقف فإن كان ما في سبب مقنع الله لا يهينه يجيب اختي عندي معززة مكرمة