[غزل السلامي]

ياللهم صل على محمدوال محمد
بسم الله الرحمن الرحيم
السلام عليكم ورحمة الله وبركاته
&&&&&&&&&&&&&&&&
&&&&&&&&&&&&&&&&
بناءا على طلب من بعض الاعضاء اليوم سوف انشر قصيدة للشاعر الذي دائما تعودنا على ابداعاته وهو صاحب قصائد مشطتك نهر وحب علي واني فقط اني وهو الشاعر المبدع زيد السلامي والقصيدة هي شريان القرنفل والتي حازت على جائزة الابداع في مهرجان طريق الحسين عليه السلام والقصيدة هي اسفة طولت عليكم بس كل كلمةتكتب بحق ابو زينب قليلة
&&&&&&&&&&&&&&&&&&&
&&&&&&&&&&&&&&&&&&&&
شريان القرنفل
************

سمارك جيش..........
بي حررت المرايات
على اهبة حسن ........متسلح بسمه

شفت حلمك ورق ......
ما كلت بي للنار
فسرته ضوة.......وافتهمة الظلمه

وتسير هلال.......
وطعم جيتك عيد.....
تزف روحك كمر...واغيتك نجمه

ترجيت زعل........
ما لبست ليلاك...
تتوضه غزل.....وتواعد النسمه

نوارس مستحه.........
وجناتك ولايات
اخوات الفرات.... الصاينات اسمه

برحيك تباصر........
طلع رايه عثوك......
على كحل الهور امس
..........من سعفه طك دمه

امس لمن غفل.........
مزكو جيب الهور
غمست الجروح.....بخبزت اللجمه

اشم عطرك مرقط.......
احس رمشك حار

امس حتى امس ضدك.....
.........بس دست خشمه
امس وديت فيك.....
للشمس ناطور.....
نصب روحه الها كله
..........وصارت القسمه

خطبت دجله لفراتك........
ما عزمت ابليس
ورضت بغداد .....امها ازفها .....
.......للكرومه

وعلة كلادة حلبجه........
ما رحمت الليل
تفرعن خاطرة.....
...................... وشربته من همه

ولا جتفت خلكك........
من شتاك انباك
ولا من غيمه عاكر.......
...... طامع برحمه

ينبض حاجبك.............
كل نبضه قمه اتصير.......
ولهذا جبالك........
.......عاليه القمه
مشت كل الدول.........
........ واستاحش التاريخ........
ضاكت بي الوسعه........
وضيفت عزمه
حشا ولا خطوة عاهر......
حلمت برجليك
ولا اضفر حدودك.....
... شكك خيمه
وشاورني النده.....
يتوسط لملكاك......
اجه كاشخ بودك.....
.................. رايد اتظمه

يشريان الكرنفل.....
خضرت بارود!!!......
العلامه الفارقه.....
.. تستجوبك بصمه!!!!!
يالموحد البنفسج......
اجو نسل الشوك....
بخشم التفرقه......
......... يردونه نشتمه

وطمع جف بالثريه....
وراد يتحداك....
كتله اول خيالك......
....... فنك اتلزمه
وجبت السانه اله.....
ودليت حلكه اعليه
ومن صوتك غرف.....
ونسمعك اتعلمه

بأكثر من لغه......
لا تجي ويه الناس
الموت بلغه وحده......
وكلهه تفتهمه

&&&&&&&&&&&&&&
&&&&&&&&&&&&&&
كل الموفقية والنجاح لشاعرنه المبدع زيد السلامي وربنا يحفظه من كل شر وتقبلواتحياتي
ارجو ان تنال رضاكم