[مازن الشطري]

تقرأ القصيدة على وزن (يمه أذكريني من تمر زفة شباب)

.

.

.

ياعلي اوصيتي لو دنت مني الوفاة*** أبظلمه شيعني لاتصل كَبري الطغاة

جثتي ابلحدي من تخلوها

أبظلمه شيعني لاتصل كَبري الطغاة

ياعلي اوصيتي من كَبل يوم الرحيل

عندك أحجيها والدمع علخد يسيل

هالنعش مني لّمن الكَبري تشيل

رفقاً ابجــــــــثتي من تشيلوها

أبظلمه شيعني لاتصل كَبري الطغاة

*********************

ياعلي أبدفني ماردت كثر الجموع

بس ردت منك تهمل عليه الدموع

ابراحه نزلني لا تلجمون الضلوع

أجنازتي أبلحدي من تنزلوها

أبظلمه شيعني لاتصل كَبري الطغاة

*******************

ياعلي ابظلمه من تريدون المسيّر

هوّن الممشه ينلجم ضلعي الكسير

هم شفت كَلي بت نبي مثلي تصير

ابحايط اوبالباب مثلي عصروها

أبظلمه شيعني لاتصل كَبري الطغاة

********************

شمسرع الرحله من بعد طه الأمين

ردته ينظرني والأثر فوكَـ الجبين

ياعلي أخبرني عن ذنب هذا الجنين

طايح ابابي لمّه دفعوها

أبظلمه شيعني لاتصل كَبري الطغاة

**********************

يم كَبر أمك ياعلي بأرض البقيع

ابليلي شيعني وابثلث ليل الهجيع

ياعلي وصيتي هالكَبر مني يضيع

كَوم النواصب لايحضروها

أبظلمه شيعني لاتصل كَبري الطغاة

.

.

مازن الشطري