[الشاعر حسن الجبوري]

مايالوجه شجرة فحم طولك سله تنداس

الجـــــــــــــــــدم مايروي البساتــــين

تعلم بالكصب مايصـــح رمان
تكلي اللون يشـــــــــــــــــــبه شجرة التين
سله وتنترس من ذل الجفــوف
بسوك الكصص ماتحصل ميازين
ماي الوجه عيب شلون ينباع
البالحيله يعيش يموت مسكيــــــــــــن
صعبه عليك تتنوع للجبال
البوجهك عيون امعاشره الطـــــــــــين

بلسانك فراغ يسولف اوهام

بطاريك حلم مابين فجين

وانه السان سيوف امسلح ارماح امجند بوستي بشباج ابوحسين

علي يمه تطيح الروس بالكاع مثل طش الرمل مسحك الرجلين

خطواته عواصف تاكل عروش وابجيبه وطن لم المساكين

علي بيت الله صار وماملك بيت يستحرم باسمه يصير بيتين

تحت جرح الاسلام يحط الجفوف حته ابخت ايده يضمد الدين

ماحط الاعذار كباله تمــثال صلب كل الحجي بصدر الدواوي

لوشاف الدمع بعيون الاطفال
تمطر وجنته بيوت وبساتين

ابو قصر الصبر مايسعه للتاج
الخلافه اتحررت من الحياطين

عله كرسي الحكم ماربه الاحلام
العداله عله المهر رباهه ابو حسين

شعر:حسن نجم الجبوري