[بنووته كيووت]

طِلعت لمّن الناعي وصل طيبة وضواحيها

جايب خبر عن حسين والطف اشحصل بيها




طلعت تركض الوادم وماظل بالمدينة دار


إلا وطلعت اصحابه والتمّت ازغار اكبار


كَال إلهم بشر ياناس الخبر يم مسجد المختار


وركضت كلها مجتمعه متلهفه الحجي تسمعه ولمّن ظل بشر ينعه


لن حرمه تكَله اشصار تسأله تريد يحاجيها


****




كَالت له يبن حذلم خبرني على ابني حسين


تعجّب كَلها عذريني لجن أرد أعرف انتي منين


كَالت له أنه ام عباس وعلي مسمّيني أم لبنين


حسين آنه اللي ربيته وأولادي خدم بيته سالم بس يرد ليته


خبّرني اعله ماي العين احتار اشلون يسليها


****


كَلها يعظم الباري أجرج بالبطل جعفر


كَالت فدوه خلّه يروح لحسين الكَمر لزهر


عون يكَلها وعبدالله كَالت فدوة للأكبر


ماأسأل على أولادي بنار اتوجر افّادي اشجرى بريحانة الهادي


روحي هيست بالشر سولف لي ياناعيها


****


شسولف عن أبوالغيرة ومنّه تكَطعت لزنود


سهم بعيونه بوفاضل وصابو هامته بعامود


بوجهه تلكَى وجه الكَاع وطاح العلم طاح الجود


من سمعت بسم عباس ضلت تلطم اعله الراس وكَوّه تشهكَـ الانفاس


أريد ابني يرد لي ردود صاحت وانغشى عليها


****




ومن رد الظعن راحت تتعثر ابممشاها


اعله باب أم الخدر وكَفت تجري دموع عيناها


خلوها تطب صاحت زينب كَعدت وياها


تكَلها راحو اخواني واحدهم ورى الثاني الكَمر عباس خلاني


وحدي وعيني طفّاها سهم لعيونه طافيها