[ثورة الحسين]

اريد اتسابج وي الريح خطوه باثر خطوه
اخافن تسبجني الريح وكبلي تهل لحسين عبره
شنهي عذري يم حسين شنهي عذري لفاطمة الزهره
دمعتي اتسيل علخد دمع الريح امطار خطره
ياعيني لاتكفين الدمع الاجر يم حسين مو بالكثره
ياريح اشلون تمطر بعد غيم البيك مني حسره
حسرتك بكلبي مضمومه لاتتشاطر متشوف حسره
تعال اعقد صلح وياي تضل خسران ماتشوف مطره
تعال وياي لحسين نبجي وندز دمعنه لفاطمة الحره
بالك تغدر بيه يوم احرمك من شوفة الكطره
لحسين دوم ابجي مااريد منت المره
اوصي اعيوني بالمطر ايفيضن كربلة الصرخه
لاتغدرن بيه يوم اخلي ملح بالعين حمره
اذامافاد الملح بيجن تيزاب واعدم النظره
اتبره منجن دوم اعيون ماعندي بالمره
لحسين بكلبي ابجي احرمجن طبت الحضره
ماارضه عنجن دوم لوسالت ادموم حمره
دوم ادعن حسين بلجي يقبل ويرضه
موبالحجي حب حسين حب حسين انطبق لامره
معرفة حسين هي الاصل معرفته بحر مانوصل لقطره
منريد منك توصل للبحر بحر حسين منيوصل لهدرة
شاهد الله تغرك بيه وهنياله اليغرك بحره

بقلم خادم اهل البيت عبدالله الشاعر