أول نـــــــــزف دمــــك --- يانايــــب إحســــين
رايـــه الفتح بيها --- دمــك اليرويـــها
يانايـــــــــــب إحســـــــــين
يامســــــــــلم إلهاي المهمـــــه الخطـــــــــــره
إختـــــــارك أبو اليمـــــــــــــه ســـــفير الثوره
تعــــــــرف الكـــــوفــه أوعنـها عنـدك فكـــره
أول فتـــــــــــــــــح رادك أوأول بــــــــــــــذره
رادك تــــــبث فكــــره --- أوكـــــل المضـــــامين
إلياســـبب فجـــرها --- ثوره إبمــــآثرها
يانايـــــــب إحســـــــــــين
رادك تــــــــــــــروز النــــــاس وإتغـــــربلـــها
تكشــــــف نوايـــــاها إشعـــليــــها إشألـــــــها
إلنصـــــرت إحســــين إسيوف عدها إتســـلها
لوضـــــــــــــــده رايات الغــــــــدر تحمـــلـها
رادك تجـــــنـــــــدها --- إلنصــــــرك نياشـــين
تعــــرف نواياهـــــا --- تكشف خفاياهــا
يانايـــــــب إحســـــــــــين
رادك تجنــــــــدها لعـــــد نصــــره إســـيوف
تاخــــــذعهــــــــد بيعتـــها للحــــك متعــوف
إبوجـــــــه الظــلم تنهض إلنصــر المعروف
موتجـــــــفل إبأولــــــــها يثولـــــها الخـوف
تاخـــــذ عهـــــد منــها --- إتخــــوض الميــادين
موســـاعة الوثبــه --- لن كلـها منسحبه
يانايـــــــب إحســـــــــــين
موباجـــــــر أولنـــــها تلـــــوذ إشــــــــراده
إبســــــــد خوفــــــها بالغـــــدرعـــدها عاده
توكــــــف أويــــه الحــــــك أبد مامعـــــتاده
إتبيــــــــع المبــــــــــادئ لوطمعــــــها نـاده
تركــــــض وره الدنيـــه --- وإتحــــارب الدين
ماتثبـــت إبجلمــه --- يعرفــها أبو اليمـه
يانايـــــــب إحســـــــــــين
يعـــــــرف طبعـــــــها إحســـــين يالتعـرفها
أوعمــــك الكـــرار أمــــــس شمــوصفـــها
راية شـــــــقاق أوبالنــــــفاق أردفـــــــــها
باجـــــــــر إبوجهـــــــك ينفضـــح موقفـها
لــــــوخلصــــت فرضك --- أولامنــــهم إثنيــن
من تلتفـــــت وحدك --- أولاناصــر العندك
يانايـــــــب إحســـــــــــين
إنـــــزل على الغــــــدرتك بســـيوف الـــــثار
وإبروســـــــها يرتجـــــــز خــلي البتـــــــار
حيـــــــــــدري إبطبعـــك ياعمـــيد الأحـرار
من لاء الحســــــين إســـتمديت إصـــــرار
لاءك حســــــينيه --- من عــــزم صفــــــين
يطحنها صمصامــك --- ذكرها بأيامــك
يانايـــــــب إحســـــــــــين
الخــــــياله خلــــــها إتــدوس عالــــرجاله
أوخلــــــها تمــوت إبخــــوفها الخيـــــالـه
المــــوت إنتـــه لولا إنتــــه ذاك خيـــالـه
كلـمـن منيتــــــــه غــــــــدت تتراوالــــه
إطــــــوي رواياهــــــا --- ضرباتـــــك البيـــن
إلغــدرت إبرائــدها --- واجب تجاهــــدها
يانايـــــــب إحســـــــــــين
الموشح
ياسفير إحسين لبسها الدمه وإنزل إعليها غضب نقمة سمه
خل يفت كلبك يبوالغيره الضمه يابطل واسي إبضماك إحسينها
إتأمنك وأنته ادره ماتعرف آمان بالوفه ماعدها يمصيت لسان
هاي ذلها إبسيفك أوسوح الطعان فرق شاسع بينك أومابينها
خل يكص ركبتك سجين الحقد ضامي وأعيونك إلخيبتها تصد
الطمع أغواها لعد غيها ترد أبد لاوالله أوتشــــوف إبعينها
من سطح كصر الأماره للأرض رمت جثتك كاصده إضلوعك ترض
هاي دين إتعرف لوتعرف فرض جان ماسحبتك بميادينها
من وحل خيبتها خل تكعد تشوف نور كبتك بالسمه مبحر يطوف
وإعله شباجك زرافات الألوف وإهي إبخيبة عارها إمجفنينها
يانايب إحسين/لطم
العرض الشجري