[رحيم الحسناوي]

اللهم صل على محمد وعلى ال بيت محمد الطيبين الطاهرين

البرنامج الكامل لليوم الخامس من محرم


نعي
ـــــــــــــــــ

تسولف زينب ويه حسين والدمعه على عيناهه

تكلله اخبرني هاي الكوم المن خويه منواهه

تراني تحيرت والروح بس الكم تره بجاهه

اذا هاي الجيوش تريد دمكم يا قلب طه

تكوم نرد يخويه اليوم لامنه ونكصد حذاهه

تناطرنه نرد يحسين ردني بجددك وجاهه

يكلهه بعبره وبحسره يزينب ما اضن نكدر

تريد الكوم دم نحري ولا من ناصر الينغر

يخويه هنا كبر عباس وهنا منحر الاكبر

واذا شفتيني خويه هناك فوك من الثرى موذذر

اندبي الزهره ومحمد يزينب والاله اكثر

يخويه اطفالي راعيهم يتاماي وعلي السجاد

اخبري الزهره عن حالي يخويه وضيعت عيالي

واريدج يختي يم جددي تخبرينه الجره والصار

اخبريه الحرم واطفال بالطف تسري بيهم نار

يحرره ودوم اذكريني وابد ما لحضه تنسيني

انه حسين الكضه عطشان بالطف قلبه وتوججر






لطمية , ثكيل
ــــــــــــــــــــــــــــــــــــ

احنه اصحابك ...................... نفدي ترابك

يا روح الزهره احنه اصحابك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

نفدي ابن الزهره وخووانه ... ونبيد اعداه بميدانه

وزينب لو رادت تنخانه ... سيوف وراية حك تلكانه

ونور كتابك .............. نفدي ترابك

يا روح الزهره احنه اصحابك

زود حنين وبدر نعيده ... وندوس الباطل ويزيده

مولانه ابن الزهره نريده ... يرفع راية حيدر بيده

عند اعتابك .............. نفدي ترابك

يا روح الزهره احنه اصحابك

ما ترهبنه الطف والبيهه ... بالسيف عدانه نداويهه

روجه تطك روجه نخليهه ... وانهار من الدم جاريهه

خصمك هابك ............. نفدي ترابك

ياروح الزهره احنه اصحابك

خل تجمع سفيان الدنيه ... واصحابك ما توصل ميه

عدنه الزود وعدنه النييه ... يحسين عيالك محميه

نفدي مصابك ............ نفدي ترابك

يا روح الزهره احنه اصحابك

يحسين مصابك ياذينه ... تفدي عيونك عبدك عينه

بس حببك يالوالي البينه ... وبالدم نفدي الوافه لدينه

بينه خضابك ........... نفدي ترابك

يا روح الزهره احنه اصحابك








لطمية , ثكيل
ــــــــــــــــــــــــــــــــــــــــــــــــــ ــــــــــــــــ


تراب الارض ... صاح الفرض ... حب الاال

هاي الخيم ... بيهه الحرم ... والاطفـــــــــــال

ــــــــــــــــــــــــــــــــــــــــــــــــــ ـــــــــــــــــــ

نعمين وسبعه من الصاحوا ... هاي الرايه وهذه السيف

صالو بيهه بزود وجالوا ... ودكوا ثايه بارض الخيف

صاحوا علي ... هوه الولي ... يامن سال

بيه تنجلي ... شدة هلي ... والاطفـــــــال

عباس بجفينه الغيره ... شلون الحرره تضل بحيره

الله يا صوت التكبيره ... حب زينب يصعب تفسيره

ضعن الصبر ... واهل الامر ... ودمع انهال

هالتنتضر ... هاي الطهر ... والاطفــــــــال

من شددوا عالموت اخواني ... جن حيدر بالطف ناداني

كتله بنهر الدم ولياني ... راحوا والجافل عافاني

بويه الدهر ... بس القهر ... مر الحال

راح النضر ... يم النهر ... والاطفـــــال

بنتك يابو الحمله وحيده ... والون يالكرار تزيده

ردتك زود حنين تعيده ... والحارب خوواني تبيده

وينك علي ... تحضر الي ... شتت البال

ما ينجلي ... هم معتلي ... والاطفـــــــال

خيل وكوم ونار وشدده ... مححد خصم حسين يردده

هم قلبي من تريد تعدده ... يبدي من اول يوم بمهده

شفت الالم ... بيه السهم ... يابو الجال

موتي انحتم ... هضمي انكتم ... والاطفـــــــال













نزله
ـــــــــــــــــــــ

بالدمع زينب تحنني الرايه ... للكصد شاطي الفرات ومايه

تكله رايح ياهلي ... ياهو من بعدك الي

للكصد شاطي الفرات ومايه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ


سالت الدمعه وتفيض عيونهه ... من المخاوف ما تبطل ضنونهه

تكلله يا راية علي ... ياهو من بعدك الي

للكصد شاطي الفرات ومايه

يابو فاضل زينب انضر حالهه ... راحت اخوتهه وتصيح عيالهه

ياولي ويبن الولي ... ياهو من بعدك الي

للكصد شاطي الفرات ومايه

خويه لاتتركني وحدي بحيره ... يا اسد بيه الكرم والغيره

من يناشد سائلي ... ياهو من بعدك الي

للكصد شاطي الفرات ومايه

صد على حسين الوحيد وحاله ... ضامي واهل الشر تحوف عياله

وانته روحي ومنهلي ... ياهو من بعدك الي

للكصد شاطي الفرات ومايه

راحوا اهلي وما بكالي من الاهل ... غيرك وانته البطل وابن الفحل

راسي بيكم يعتلي ... ياهو من بعدك الي

للكصد شاطي الفرات ومايه

الاحقر رحيم الحسناوي