[ثورة الحسين]

دارميات
ـــــــــــــــــــ
سفير احسين مسلم ماهاب ابد موت
بلغ وصيت احسين وصوته صوت
*************
من طب الكوفه مسلم صلت وراه الاف
من صار الحجي صدك بس ظلو الاشراف
************
بالكوفه ظل مسلم بس تهمل العين
مايمه طارش ويبلغ احسين
************
من جر سيفه مسلم سوه العده طشار
داس روس العده وماهاب الاشرار
**********
ابدروب الكوفه مسلم حيل العطش اذاه
راد شربت ماي ماواحد انطاه
**********
اباب طوعه وكف وطلب شربت ماي
هاذه الماي اشرب بس انوارك اهواي
**********
ابيوتنه ابيوت الفخر ياطوعه وجدي الرسول
ماتنخفي انوار النبي وانوار البتول
**********
اريدك مسلم اليوم اتعيد صولات الكرار
وكَلبي يفرح حيل من تهزم الكفار
***********
مااكصر ياطوعه وعيونج اتشوف
ارهب كوم العده وجدي معروف
**********
روس اترس الكاع وحك جدي الرسول
مااهاب الموت بس وحدي اصول
**********
ماانساج ياطوعه ماانسه الحنين
اوصي احسين بيج ماينساج الحسين
**********
من وصلت للحسين اخبار مسلم عضيده
ماحط ايده علكاع حطه لحميده
____________
بقلمي خادم اهل البيت
(عبدالله الشاعر)