[جاسم العجمي]

ثاراتك كلها تنتظر مسمار ورضه صدر
انهض واطلب بثارك
نيران متوجره بدارك
انهض واطلب بثارك

اول ثار ثار امك الزهره بيها على الوجه سطره
لو تنظرها اشلون خرت خلف الباب بعصره
منعوها من ارث والدها ولاحد ثار الها بالنصره
هذا ثارك يبن العتره مسمار ورضه صدر

عقب موت المختار قاسى غدر اصحابه
غاله الاشقى بصلاته وقسم راسه بمحرابه
محراب ودم ينتظرك ومسمار ورضه صدر

ثالث ثار ثارالحسن بالسم متوذره جبده
ومنعو اخوه حسين يدفنه بجانب جده
أسهام مثل المطر ظلت تدخل بجسده
جبد ونعش ينتظرك ومسمار ورضه صدر

جرحك يكبر يامولاي من اذكر جدك لحسين
عالغبره ودمه يسيل صعدوا صدره بنعلين
مصابه يذوب الدلال ودم تبجي لجله العين
كفوف ورايه يم النهر ومسمار ورضه صدر

مصايب شيبت زينب من كثر حنت ليتام
سبي اخذوهم للكوفه وشمات تنتظر بالشام
بحبال يسحبهم زجر وراس المولى جدام
راس وخدر ينخاك ومسمار ورضه صدر

سجاد العتره وباقرها وكاظمها وابنه المظلوم
جواد الامه وهاديها وابوك الحسن مهظوم
كلهم قضوا يامهدينا من كيد الامه بسموم
عدل وقسط ينخاك ومسمار ورضه صدر